Prezıdent Qasym-Jomart Toqaevtyń jarlyǵymen 16 naýryzdan bastap el aýmaǵynda azamattardyń qaýipsizdigin qamtamasyz etý maqsatynda tótenshe jaǵdaı jarııalanǵany málim.
Osyǵan baılanysty saýda obektilerine qatysty ýaqytsha shekteýler qoıyldy. Atap aıtsaq, iri saýda oryndaryna saǵat 10:00-nan 18:00-ge deıin, turmystyq taýarlar men kıim-keshek satatyn bazarlardyń jumys ýaqyty saǵat 11:00-den 17:00-ge deıin shekteldi.
-Dámhana men meıramhanalar 22:00-ge deıin ǵana jumys jasaıdy, bul rette kelýshilerdiń sany 50 adamnan aspaýy kerek. Búgingi tańda oblysta 592 saýda oryndary jumys jasaıdy, onyń ishinde 2 gıpermarket, 71 sýpermarket, 490 mınımarket pen 29 bazar bar. Saýda oryndarynda azyq-túlik jetkilikti, taýarlar tapshylyǵy joq. Áleýmettik mańyzy bar taǵam túrlerine baǵany turaqtandyrý máselesi únemi baqylaýda tur. Eń bastysy, kásipkerlerdiń qoǵamdyq oryndar men ǵımarattarda turaqty túrde sanıtarlyq-dezınfeksııalyq is-sharalardyń jıi jasalyp turýyna jaýapty bolýyn suraımyz. Reıdttik tekserýler jalǵasýda. Bastapqyda eskertý beriledi. Ekinshi ret qaıtalansa, tártipke baǵynbaǵandar ákimshilik jazaǵa tartylady, deıdi Á.Sársenov.
Mańǵystaý oblysy
