«Sońǵy kezderi respýblıkalyq arnalardan shyǵyp jatqan halqymyzdyń mentalıtetine saı kelmeıtin, qazaqtyń salt-dástúrine, ulttyq bolmysymyzǵa qaıshy, shyǵystyq qalpymyzǵa sáıkes emes «Qalaýlym», «Qalaýym sen» atty baǵdarlamalarǵa qoǵam tarapynan qarsylyq kóbeıip ketti. Azamattar áleýmettik jelilerde qol jınap, baǵdarlamalardyń jabylýyn talap etip, BAQ betterinde túrli synı maqalalar jarııalanyp jatyr.
Memleket basshysy atalǵan baǵdarlamalarǵa qatysty qoǵamnyń ustanymyn biledi. Soǵan sáıkes tapsyrma berildi. Halyqtyń pikiri eskerilip, arnalardyń da saıasatyna nuqsan keltirmeı tıisti sheshim shyǵarylady» dep jazdy Berik Ýálı.
