Elordaǵa úsh sanıtarlyq dáriger men 12 feldsher blok-beketterde jumys isteýge jiberildi. Medısınalyq topqa sanıtarlyq dáriger Balǵanym Balqanova jetekshilik etýde. Aq halattylar beketterde kúndiz-túni kezekshilik etýde, ár aýysym 8 saǵattan. 20 naýryzdan qyzmetke kirisken mamandardyń basty maqsaty koronavırýstyń taralýyn toqtatý.
– Blok-beketterde 15 sanıtarlyq dáriger qyzmet etýde. Bul mindetti sanıtarlyq qyzmet mamandary atqarýda. Olar kúndiz-túni tynymsyz eńbektenýde. Olarǵa tamaqtaný, turatyn jer men ózge de jaǵdaılar jasalǵan,–deıdi oblystyq densaýlyq saqtaý basqarmasy jetekshisiniń mindetin atqarýshy Súlen Ilııasov.
Dárigerlermen birge polısııa qyzmetkerleri de qaltqysyz qyzmet atqarýda.
– Blok-beketter 22 naýryzdan beri Astanadan 30 shaqyrym radıýstarda jumys istep tur. Biz arnaıy ruqsaty bar kólik ıelerin ǵana ótkizemiz,–deıdi patrýldik polısııa rotasynyń aǵa ınspektory Maqsat Jamanbaev.
Quqyq qorǵaýshylar saýda júıeleri men azyq-túlik dúkenderiniń úzilissiz jumys istep turýyn da qadaǵalaıdy.
– Post-beketterde 100-den asa polısııa qyzmetkerleri eńbek etýde. Olar kólik júrgizýshilerine karantın rejımindegi talaptardy túsindirýde. Polıseıler Elordaǵa azyq-túlik pen dári-dármek tasymaldaıtyn kólikterdi baqylap, ótkizýde,–deıdi Aqmola oblystyq polısııa departamenti baspasóz qyzmetiniń jetekshisi Gúlnár Pınchýk.
Bul ýaqytsha is-sharalar azamattardyń qaýipsizdigi men qaýipti vırýstyń ózge qalalar men eldimekenderine taralmaýyn qamtamasyz etedi.
