Qoǵam • 28 Naýryz, 2020

Aýyldaǵy jurt áli senbeıdi

1492 retkórsetildi

Qudyqtyń syrtyndaǵynyń bári aqyldy. Aýyldaǵy jurt áli de aty jaman indettiń baıybyna barar emes. Memleket mindettegen tapsyrma qala syrtynda qalys qalyp jatyr. Malyn óriske aıdap shyqqan aǵaıynnyń ekiden biri saıası oqıǵaǵa balaıdy. El ishindegi dúrbeleńdi bıliktiń bir qoıylymy dep esepteıtinin qaıtesiz.

Aınalǵan jaý almaı qoımaıdy deýshi edi úlkender. Áýeli kórshimizdi artynan álemdi álekke salǵan aýrýdyń az ýaqytta aıaǵymyzǵa tusaý bolaryn kim bilipti?! Aınalyp ótip keter dep aýzymyzdy ashyp otyra berdik. Arty nege aparyp soǵaryn ańdasaqshy sonda. Endi, mine, sońymyzdan qýǵan úreıden entigimizdi basa almaı qashyp kelemiz. Qorshaýda qalǵan shahar turǵyndarynyń boıyn bılegen qorqynysh bosaǵadan ary attap bastyrmaı otyr. Basy qatqan jurttyń basyna túsken keseldiń ózinen buryn aty jan titirkendiredi. Bala oıynnan qaǵyldy. Jigit-jeleń saýyqtan qol úzdi. Boıanyp shyǵar boıjetken joq. Qatary sıregen qarttardyń da bir ýaqyt serýeni pyshaq keskendeı tyıyldy. Ishi pysqan qudaly týysqandar áleýmettik jeliniń áýenine tóńkerilgen. Sháriniń shyraıy ketti.

Tek tabıǵat qana mamyrajaı. Jańa bir tynysy ashylǵandaı. Saırandaǵan qus, oınaqtaǵan janýar. Bári-bári solar úshin jasalyp jatqandaı. Qala berdi qala ortasyn kezgen ańdardy kórgende, Eýropany endigi eter amalyn ańdısyń. Azııanyń da jandy jerine selebe siltegen syrqat syr aldyrmaı keledi. Bul vırýs - qoıdy bórliktirgen qasqyrdaı qatýly.

Al aýyl báz-baıaǵy qalpynda. Jer silkinse de selt etpeıtin senimi kúshti halyqty ońaılyqpen seskendire almaısyń-aý! Zań - ortaq. Talap - birdeı. Dese de 30-40 adamǵa arnalǵan shaǵyn toı-tomalaǵy tyıylmaı tur. "Ol páleketiń aýyl-aımaqqa kele qoımas" dep ishinen ton pishedi. Dastarqany jınalmaıtyn jurtymyzdyń ádetine jorımyz-aý munysyn. Áıtse de osy sátte bir jeńnen qol, bir jaǵadan bas shyǵaryp, Úkimettiń qaýlysyna qulaq asqanymyz áldeqaıda abzal. Azan-qazan basylǵan soń qudaıy tamaqtyń da kezegi keler. Batpandap kirgen aýrý, mysqyldap shyǵatynyn eskersek, bizdiki ne taltań? Osy bir qysyltaıań shaqta qydyrmaı, qyzyq qýmaı, shańyraǵyńnyń tútinin tútetip otyrǵanǵa ne jetsin!?

 

 

 

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar