Tótenshe jaǵdaı kezinde MÁSJ qatysýshylaryna áleýmettik tólemderdi taǵaıyndaýdy júzege asyrý erejesine sáıkes «MÁSQ» AQ fılıaldary tótenshe jaǵdaı kezinde mindetti áleýmettik saqtandyrý júıesi qatysýshylaryna áleýmettik tólemderdi taǵaıyndaý týraly nemese bas tartý týraly qujattardy qabyldaıdy jáne sheshim shyǵarady.
«Áleýmettik saqtandyrý júıesi qatysýshylaryna áleýmettik tólemderdi taǵaıyndaý shaǵyn jáne orta bıznes sýbektileriniń qataryndaǵy áleýmettik tólemderdi tóleýshilerdiń áleýmettik tólemderi shtab bekitken atalmysh Erejeniń 3 qosymshasyndaǵy jumysshylar tizimi formasyna sáıkes, jumysshylarǵa eńbekaqy tólemi saqtalmaıtyn demalys berý týraly buıryqtyń kóshirmesi negizinde júzege asyrylady»,- dedi Dına Baegızova.
Onyń aıtýynsha atalmysh áleýmettik tólemderge TJ engizilgen kezde jumysy toqtaýyna baılanysty tabysynan aıyrylǵan jumys berýshiler, eńbekaqysy saqtalmaı demalysqa jiberilgen jumysshylar, TJ saqtalǵan kezde qyzmeti shektelýine baılanysty tabysyn joǵaltqan JK, jeke tájirıbemen aınalysatyn tulǵalar, BJT tóleýshiler quqyly.
Tólemderdi alý úshin TJ rejımi engizilgenge deıin sońǵy 12 aıdyń kemi 3 aıynda tizimde kórsetilgen jumysshylarǵa áleýmettik tólemder tólegeni mindetti túrde esepke alynady.
Oǵan qosa, áleýmettik tólemder Erejege sáıkes jumysshyǵa eńbekaqysy saqtalmaıtyn demalysqa shyqqan kúnnen bastap, jeke kásipkerlik qyzmeti toqtaǵan kúnnen bastap taǵaıyndalady;
»Áleýmettik tólemderdi taǵaıyndaý nemese bas tartý boıynsha aqparat jumys berýshi usynǵan tizimde kórsetilgen jumysshylardyń mobıldi telefonyna sms-habarlama jiberý arqyly beriledi»,-dedi Baegızova.
«MÁSQ» AQ áleýmettik tólemderdi kestege sáıkes tóleý úshin memlekettik korporasııany kúndelikti qarjylandyrýdy júzege asyrady. Áleýmettik tólemder alýshynyń (jumysshy, JK, jeke tájirıbemen aınalysatyn tulǵalar, BJT tóleýshiler) banktegi schetine jiberiledi.
