Aımaqtar • 28 Naýryz, 2020

«Birgemiz-Mangystau» alǵashqy aımaqtyq qory tirkeldi

20 retkórsetildi

Tuńǵysh Prezıdent Nursultan Nazarbaevtyń bastamasymen koronavırýspen kúres jaǵdaıynda turǵyndardyń áleýmettik álsiz toptaryna qoldaý kórsetý úshin qurylǵan «BIRGEMIZ» respýblıkalyq qoǵamdyq qory Mańǵystaý oblysynda «Birgemiz-Mangystau» alǵashqy aımaqtyq qory qurylǵanyn habarlady.

«BIRGEMIZ» respýblıkalyq qoǵamdyq qorynyń tóraǵasy Rýslan Sákeevtiń aıtýynsha, demeýshilik qarajattyń ashyq jáne ádil bólinýin qamtamasyz etý úshin, óńirlerge jınalǵan qaıyrmaldy qazirgi tańda jumys istep jatqan qorlarǵa jınaýǵa tyıym salynyp, jańadan qor tirkeý usynylǵan. Al qor qyzmetin baqylaýdy qamtamasyz etý úshin, ár aımaqta qoǵam belsendileriniń qatysýymen tekserý komıssııasy jáne qamqorshylar keńes qurylady.

«Kún saıyn elordaǵa árbir óńirlik qordan túsken jáne jumsalǵan qarajat, kómek kórsetilgenderdiń sany, azyq-túlik jáne sanıtarlyq-gıgıenalyq sebetterdiń quramy, barlyq qarjylyq rastaýshy qujattary jáne t.b. týraly aqparat berilip otyrady. Ári qaraı biz apta saıyn ár aımaq boıynsha esepti resmı saıtta jáne áleýmettik jelilerde jarııalap otyramyz», - dedi Rýslan Sákeev.

Jalpy, búginge deıin qordyń esebine 9 mlrd. 500 mln. teńgeden astam qarjy tústi. Qazirgi ýaqytta kómekke muqtaj azamattardyń sanattary men tizimderin naqtylaý jumystary júrgizilýde.

«Barlyq qaıyrymdylyqtyń tek erikti negizde jasalatynyn taǵy da eske salǵym keledi. Bıýdjettik mekemelerden, sondaı-aq, azamattardyń eńbekaqy qorynan aýdarymdar bizge túsken joq, mundaı qarjyny qabyldamaımyz. Qordyń barlyq tólemderi, tranzaksııalar men esep aıyrysýlar tek qolma-qol aqshasyz úlgide júrgiziledi», - dedi ol.

Osy oraıda, Memleket basshysy Qasym-Jomart Toqaevtyń bastamasymen qolǵa alynǵan «Biz birgemiz!» respýblıkalyq aksııasy aıasynda, «Kedergisiz keleshek», «Baqytty otbasy» jáne «Ardagerlerdi ardaqtaıyq» partııalyq jobalary arqyly halyqtyń túrli toptaryna áleýmettik kómek kórsetý jumystary osy qor qurylǵanǵa deıin bastalǵanyn aıta ketý kerek.

Elbasynyń tapsyrmasymen «Nur Otan» partııasy karantın jarııalanǵan Nur-Sultan jáne Almaty qalalaryndaǵy jalǵyzbasty qarttarǵa, múgedekterge jáne turmysy tómen kópbalaly otbasylarǵa ataýly kómek kórsetý úshin 150 mln. teńge bóldi. Koronavırýs indetiniń taralýyna qarsy kúreske Tuńǵysh Prezıdent Qorynan taǵy da 200 mln. teńge baǵyttaldy.

Bólingen qarajattyń arqasynda partııa belsendileri men «Jas Otan» volonterlary kún saıyn halyqtyń áleýmettik álsiz toptaryn antıseptıkalyq jáne gıgıena quraldarymen, birinshi kezekte qajet azyq-túlik pen basqa da taýarlarmen baılanyssyz taratý jolymen qamtamasyz etýde.

«Nur Otan» men «Jas Otan»-nyń dál osy tájirıbesin biz koronavırýstyń taralýy  kezinde eń muqtaj adamdardy qoldaý úshin, ózimizdiń jáne aımaqtyq qorlardyń jumysynda basshylyqqa alyp, paıdalanylatyn bolamyz», - dedi Rýslan Sakeev.

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar