Aqparattyq jıynǵa Shymkent qalasy kásipkerlik jáne ındýstrıaldy-ınnovasııalyq damý basqarmasy basshysynyń orynbasary Bereke Dúısebekov, Shymkent qalasy Kásipkerler palatasy dırektory Nurlan Qabyshtaev qatysyp, azyq-túlik baǵasyn turaqtandyrý boıynsha atqarylyp jatqan naqty jumystar jaıly aıtyp berdi.
«Turaqtandyrý qorynda 2 mlrd 200 mln teńge bar. Tutynýǵa eń qajetti degen 11 taýar túriniń baǵasyn kótermeý boıynsha GraMad gıpermarketimen kelsimshartqa otyrdyq. Olar bir jyl boıy taýarlardy biz qoıǵan shekti baǵasynan asyrmaıdy. Qazir azyq-túlik baǵasyn turaqty ustap turýda osyndaı joldardy qarastyryp jatyrmyz», dedi Maqsat Isahov.
Búginde qalada nan baǵasynyń kóterilmeýine jol bermeý maqsatynda qala ákimdigi tarapynan arzandatylǵan baǵamen naýbaıhanalarǵa un taratylady. Sondyqtan nan baǵasy 75 teńgeden aspaıtyn bolyp kelisilip otyr. Qala basshysynyń orynbasary taýardyń 36 túri boıynsha qor jetkilikti ekenin, sondyqtan turǵyndarǵa azyq-túlik taýsylyp qalady dep, dúrbeleń týǵyzýdyń qajeti joq ekenin jetkizdi.
«Búgingi kúni qıyn jaǵdaılarǵa baılanysty kásiporyndar jumyskerlerdi ýaqytsha demalysqa shyǵaryp jatyr. Qala aýmaǵyndaǵy 400 kásiporynǵa habarlasyp, sarapta jumystaryn júrgizdik. Jumyskerler eń tómengi jalaqyǵa qol jetkizýde sarsańǵa salmaýda palatada onlaın format jaqyn arada iske qosylady», dep atap ótti Shymkent qalasy Kásipkerler palatasy dırektory Nurlan Qabyshtaev.
Shymkent
