Sala mamandary jer-jahan turǵyndaryna birinshi bolyp kómekke keletin mamandar. Sondyqtan Dúnıejúzilik densaýlyq saqtaý assambleıasy 2020 jyldy Halyqaralyq meıirbıke isi jáne orta medısına qyzmetkerleri jyly dep jarııalady. Atalǵan uıym zertteýlerine sáıkes, 2030 jylǵa deıin adamzat densaýlyǵyn jan-jaqty baqylaýǵa alý úshin meıirbıke isi men akýsherlik salada 9 mıllıon qosymsha jumys ornyn qurý qajettigi týyndap otyr.
Sondyqtan da DDSU óz seriktesterine, onyń ishinde Halyqaralyq akýsherlik konfederasııaǵa (MSM), Halyqaralyq meıirbıke isi keńesine, BUU Halyqtyq qoryna (IýNFPA) qosylyp, álemdegi adamzat densaýlyǵy úshin naýqanǵa qosylýǵa shaqyrady. Ári meıirbıke isi jáne orta medısına qyzmetkerleriniń jumysyna, olar tap bolatyn qıyn jaǵdaılarǵa nazar aýdara otyryp, meıirbıke isi men orta medısına qyzmetkerlerin damytýǵa qarjy bólýdiń mańyzdylyǵyn eskertedi.
