Álem • 28 Naýryz, 2020

Qazaqstannyń 150-den astam azamaty Ispanııadan otanyna oraldy

252 retkórsetildi

28 naýryzda Qazaqstannyń 44 azamaty (kópshiligi stýdentter men birneshe bala) «Belavia» áýekompanııasynyń reısimen Barselona áýejaıynan Mınsk arqyly Nur-Sultan men Almatyǵa ushyp ketti. Bul týraly SIM baspasóz qyzmeti habarlady.

Bul Madrıdtegi Qazaqstan Elshiligi jáne Barselonadaǵy konsýldyq qyzmetkerleriniń tıimdi jumysynyń arqasynda múmkin boldy. Olar Ispanııadaǵy azamattarymyzǵa kúndelikti barlyq kómek kórsetýdi jalǵastyrýda.  

Ispanııada pandemııanyń jyldam taralýy jaǵdaıynda (72 myńnan asa adam juqtyrǵan) jáne reısterdiń basym kópshiligi toqtaǵan kezde, Qazaqstannyń Ispanııadaǵy Elshiligi Madrıdtegi Belarýs Elshiligi jáne «Belavia» áýekompanııasynyń basshylyǵymen Barselonadan ushýǵa bıletti satyp alǵan barlyq qazaqstandyq jolaýshylardy otyrǵyzýdy qamtamasyz etý úshin 28 naýryzda ushatyn áýe kemesin úlkenirek túrine aýystyrý týraly kelisimge jetti.

Birneshe kún boıy qazaqstandyq dıplomattar otandastaryn eline ushýdyń naqty joldary týraly «qolma qol» habardar etip, tez arada bıletterdi satyp alýǵa, jaǵdaıdy boljaý qıyn kezde ushýdy keshiktirmeý kerek ekendigi týraly aqparattandyryp, múmkindikti paıdalanýǵa shaqyrdy.

Búgingi tańda qazaqstandyq dıplomattardyń kómegimen 150-den astam qazaqstandyq Ispanııadan túrli reıstermen ushyp ketti. Ispanııaǵa emdelýge kelgen jáne kámeletke tolmaǵan Qazaqstan Respýblıkasynyń azamattaryna erekshe kóńil bólinedi.

Sońǵy jańalyqtar

Jumys sapasyn baqylaý kúsheıedi

Aımaqtar • Búgin, 17:30

Qyzylordada 1881 túlek mektep bitirdi

Aımaqtar • Búgin, 17:18

Veterınarııa adamzatty emdeıdi...

Aımaqtar • Búgin, 15:55

Almatyda qurylys alańynan órt shyqty

Aımaqtar • Búgin, 15:33

Joldyń jaýy – aýyr júk kólikteri

Aımaqtar • Búgin, 13:14

Saqtyq sharalaryn saqtaý mańyzdy

Koronavırýs • Búgin, 13:08

Týrızm damysyn desek...

Qazaqstan • Búgin, 12:55

Týrızmniń turalaǵan tustary kóp

Qazaqstan • Búgin, 12:46

Jazǵy mektepter qashan ashylady?

Bilim • Búgin, 12:04

Uqsas jańalyqtar