Qaladaǵy juqpaly, pravızorlyq jáne karantındik aýrýhanalarda 1536 adam jatyr. Onyń 106-sy – 18 jasqa tolmaǵan balalar. Qazirgi ýaqytta elordada koronavırýs juqtyrýdyń 151 jaǵdaıy tirkelgen. Onyń 13 aýrýhanada jazylyp, úılerine jiberildi.
«29 naýryzdaǵy jaǵdaı boıynsha koronavırýs juqtyrǵan 16 jaǵdaı tirkeldi. Olar buryn stasıonarlyq baqylaýda bolǵan nemese úılerinde oqshaýlanǵan adamdar, sondaı-aq aýyryp qalýy múmkin adamdarǵa monıtorıng jasaý prosesinde anyqtalǵandar», - dep habarlady basqarma basshysy.
Sáýle Qısyqova qalada naýqastarmen baılanysta bolǵan tulǵalardy belsendi túrde anyqtaý júrgiziletindigin habarlady.
«Biz olardy oqshaýlaý boıynsha qatań jumys júrgizýdemiz. Bul tulǵalardan sońǵy tirkelgen jańa jaǵdaılar anyqtalýda. Koronavırýstyq ınfeksııany tasymaldaýshy ekeni anyqtalǵandardyń árqaısysy keminde 30-50 adammen baılanysta bolǵan. Bul adamdar atalmysh ınfeksııanyń belsendi tasymaldaýshysy bolyp tabylmaıdy», - dedi basqarma basshysy.
