Áleýmettik dúkenge alǵashqylardyń biri bolyp demeýshilik jasaǵan oblystyq máslıhat depýtaty Baımahan Súleımenov óz qarajatyna 2 tonna azyq-túlik alyp berip, el alǵysyna bólenip otyr. Depýtat qaıyrymdylyq sharalar el ishinde jıi jasalyp tursa, áleýmettik jaǵdaı turaqtalyp, naryqtyq-ekonomıkalyq ahýal retteletin edi, dep esepteıdi. Oblystyq aqsaqaldar alqasynyń bastamasy da baǵany turaqtandarý boıynsha jasalyp jatqan isterdiń biri.
Al Maqtaaral aýdanynda áleýmettik mańyzy bar azyq-túlik taýarlarynyń baǵasyn turaqtandyrý maqsatynda, kásipkerlerge túsindirý jumystaryn júrgizilgen. Nátıjesinde, buǵan deıin baǵasy 8200 teńge bolǵan «Pıoner» uny aýdan ortalyǵy Myrzakent kentindegi «Bahtııar» saýda ortalyǵy men osy ortalyqqa qarasty 4 dúkende jáne Atakent kentindegi qoımada 7700 teńgeden satylýda. Elimizde Tótenshe jaǵdaı jarııalaǵan kúnnen bastap Maqtaaral aýdanynyń bazarlary men azyq-túlik dúkenderinde baǵa ósimderi baıqalǵan. Sońǵy kúnderi un, kartop, qaraqumyq sııaqty azyq-túlik baǵalary kóterilgen bolatyn. Máselen, kartopqa shektik ruqsat etilgen baǵa 132 teńge bolsa, aýdanda 160 teńgege deıin ósken. Sol sekildi qaraqumyqqa shektik ruqsat etilgen baǵa 302 teńge bolsa, 350 teńgeden satylǵan. Osy oraıda aýdan ákimi Baqyt Asanov bazarlar men saýda ortalyqtaryna arnaıy baryp, kásipkerlermen jeke-jeke kezdesti. Elimizdegi jaǵdaıdy aıtyp, mundaı kezde halyqqa kómektesý kerektigin túsindirdi. Nátıjesinde, un men kartoptyń baǵasy tómendedi.
Túrkistan oblysy
