Almaty qalasy ákimdigi janyndaǵy tótenshe jaǵdaı rejımin qamtamasyz etý jónindegi Jedel shtab hattamasyna sáıkes, tótenshe jaǵdaı rejımin qamtamasyz etý jónindegi Memlekettik komıssııa otyrysynda júktelgen mindetterdi júzege asyrý, Almaty qalasy turǵyndarynyń ómiri men densaýlyǵyn qorǵaý jáne koronavırýs ınfeksııasynyń beleń alýyna jol bermeý maqsatynda qala aýmaǵynda 2020 jyldyń 6 sáýiri saǵat 00.00-ge deıin qala ishinde adamdardyń jáne kólikterdiń qozǵalysyna birqatar shekteýler engizildi.
Sonymen qatar, qalanyń tynys-tirshiligin qamtamasyz etip otyrǵan, ýaqytsha jabylý tizimine kirmegen birneshe mekemeler anyqtaldy.
Sondaı-aq, resmı tirkelgen, tıisti belgileri qondyrylǵan taksı qyzmeti de jumys isteıdi.
Almaty qalalyq Taýarlar men qyzmetter sapasyn jáne qaýipsizdigin baqylaý departamentiniń málimetinshe, arnaıy qyzmet kórsetetin jeńil kólik ishinde júrgizýshini qosqanda, eki adamnan artyq jolaýshy bolmaýy kerek, jolaýshylar bir-birinen óte alshaq otyrýy úshin olar shahmat tártibimen (qıǵash) ornalasýy tıis.
Buǵan qosa, sanıtarlyq-gıgıenalyq talaptar kúsheıtildi. Jeńil kólikter jeke qorǵanys quraldarymen (medısınalyq betperdemen) jáne antıseptıktermen qamtamasyz etilýi qajet. Júrgizýshi mindetti túrde betperde kıip otyrýy tıis.
