Búgin Aıagóz qalasynyń ortalyq kóshelerine, saýda jáne kommýnıkasııa nysandaryna dezınfeksııa jasaldy.
Bul jumysqa 10810 jáne 10181 áskerı bólimderiniń 92 áskerı qyzmetkeri jumyldyrylypty.
«Dezınfeksııalyq quraldar ákimdikten bólindi, sonymen qatar 16443 áskerı bólimi bazasynyń «Rýbej» dep atalatyn quraly qoldanylýda. Eki top jumys isteýde. 10810 áskerı bóliminiń tanki brıgadasy men 36376 rezervtik brıgadasynan 2 arnaıy kólikter berildi.
Dezınfeksııalyq jumystar kúndizgi saǵat 7 men 11 aralyǵynda júrgizildi. Bir kúnnen keıin mundaı jumystar áskerı qalashyq aýmaǵynda júrgiziledi» deıdi Aıagóz aýdanynyń ákimi Dildábek Orazbaev.
Shyǵys Qazaqstan oblysy,
Aıagóz aýdany
