Oblys ákiminiń birinshi orynbasary Nurjaýǵan Qalaýov oblystyq prokýratýranyń úılestirýimen aýdandyq prokýratýralardyń jáne jergilikti polısııa qyzmetiniń mobıldik toptarynyń birlesken reıdtik is-sharalary barysynda elimizde engizilgen tótenshe jaǵdaı kezinde quqyqtyq tártipti buzý faktileriniń anyqtalǵanyn habarlady. «TJ kezinde shekteýlerdi saqtamaǵany úshin kafelerdiń, barlardyń, qoǵamdyq tamaqtaný oryndarynyń 15 qojaıyny, 5 saýda úıi, monshalar men býkmekerlik keńselerdiń jáne oıyn klýbtarynyń ıeleri ákimshilik jaýapkershilikke tartyldy. Sonymen qatar, áleýmettik jelide qoǵamdyq tártipsizdik týǵyzatyn jalǵan aqparatty jarııalaǵany úshin 2 azamatqa arandatýshylyq áreketteri úshin bireýi 3 táýlikke qamaldy, ekinshisine 40 aılyq eseptik kórsetkishte aıyppul salyndy»,-dep atap ótti Nurjaýǵan Qalaýov.
«Qazirgi jaǵdaılarǵa baılanysty keıbir azamattarymyz tártipke baǵynbaý faktileri kezdesip otyr, oqshaýǵa alynǵan árbir adamnyń úıinen shyqpaýy qatań baqylansyn. Deni saý azamatardyń densaýlyǵyna qaýip tóndirgenderdiń eshbiri jazasyz qalmaıdy»,- dedi Ońdasyn Orazalın.
Aımaq basshysy aýyldyq jerlerde jasyryn jıyn, salt- dástúrlik sharalardy ótkizý faktisi tirkelse eń aldymen aýdan ákiminiń jazalanatynyn da eske saldy.
Sondaı-aq, oblystyq máslıhat hatshysyna depýtattarmen jáne qoǵam belsendilerimen birige otyryp, bazarlar men saýda úılerindegi dezınfeksııa jumystary men azyq- túlik baǵalaryna tekserýlerdi kúsheıtý qajettigin tapsyrdy. Oblys ákimi orynbasarlaryna birqatar tapsyrmalardy júktedi. Rýslan Qambarovqa aýrýhanaǵa oqshaýda jatqyzylǵan azamattardyń jaǵdaıyn baqylaý jáne olarǵa qyzmet kórsetetin medısına qyzmetkerlerine ústemaqy berý boıynsha sharalar qabyldaý kerektigin aıtty. Aımaq basshysy kóktemgi dala jumystarynyń daıyndyǵyna qatysty birqatar eskertýler jasady. Dándi -daqyl, tuqym, janar- jaǵar maı t.b qajetti materıaldardy yjdaǵattap alý mehanızmderin qarastyrmaý sebepti kóktemgi dala jumystaryn bastaı almaı otyrǵan aýdan ákimderine qatań eskertý berdi. Máseleni qalypqa keltirýdi Amanǵalı Berdalınge tapsyrdy.
