Qazir eń ózekti máseleniń biri koronavırýstyq ınfeksııanyń aldyn alý baǵytynda halyq arasynda túsindirme jumystaryn júrgizý bolyp otyr.
Osyǵan baılanysty Shymkent qalasynyń ákimdigi quzyrly organ qyzmetkerlerimen birlesip, adam qarasy kóp jerlerde dybys ulǵaıtqysh quraldyń kómegimen saqtyq sharalary týraly aqparattar berýde.
Shymkent qalasy tótenshe jaǵdaılar departamentiniń avtokóligimen adam kóp júretin kóshelerde, aýlalar men bazarlarda, qoǵamdyq oryndarda qaýipsizdik sharalaryn saqtaý týraly aıtylyp, oqys jaǵdaıda úreı týǵyzbaý, kópshilik oryndarǵa barmaý, jalǵan aqparat taratpaý, múmkindiginshe úıde otyrý jaıly túsindirilýde.
Shymkenttegi polısııa men medısına qyzmetkerleri kúsheıtilgen rejımge kóshti. Qaladaǵy qoǵamdyq oryndar dezınfeksııalanýda.
Eske sala ketsek, qazirgi tańda Shymkent qalasyna kiretin-shyǵatyn avtojoldarda 12 blok beketi qoıylǵan. Blok beketterde medısına mamandary halyqty aqparattandyrý, azamattardyń qozǵalysyn baqylap, dárigerler jolaýshylardyń dene qyzýyn ólsheıdi.
Shymkent
