Aımaqtar • 29 Naýryz, 2020

Túrki áleminiń mádenı-rýhanı ortalyǵynda indetti boldyrmaýdyń barlyq amaly jasalýda

466 retkórsetildi

Túrki áleminiń mádenı-rýhanı ortalyǵy kıeli Túrkistan qalasynda búginde indetti boldyrmaýdyń barlyq amaly jasalýda. Qalaǵa kireberiste Yntymaq, Kentaý, Sháýildir, Baltakól blok - posttary men temirjol vokzalyndaǵy baqylaý - ótkizý beketterinde 15 beınebaqylaý kameralary ornatyldy. 5 bekettiń árqaısysynda 3 «Sergek» kameradan qoıylǵan. Barlyq beınejazylym 30 kún boıy saqtalady.

Budan bólek 2 beınebaqylaý kamerasynda avtokólikterdiń memlekettik tirkeý nómirlerin taný júıesi iske qosylǵan. Ásirese, Nur-Sultan, Almaty jáne sheteldik nómirli kólikterdi tirkeýge alý boıynsha qaýipsizdik sharalary kúsheıtilgen. Onda polısııa, dárigerler men jedel-járdem jáne tótenshe jaǵdaı qyzmetkerleri táýlik boıy qyzmet etýde. Oblys aýmaǵynda ornalasqan beketterdegi baqylaý kameralary oblystyq sıtýasııalyq ortalyqqa qosylǵan.

Túrkistan qalasynyń ákimi Rashıd Aıýpov qala bazarlaryn aralap, baǵalardy turaqtandyrý boıynsha saýdagerlermen áleýmettik mańyzy bar taýarlar baǵasyn belgilengen mólsherden asyrmaý jaıly kelissózder júrgizdi. Saýdagerlermen kelisilgen baǵany jarııalap, sol baǵadan joǵary bolsa dereý habarlasýǵa bolatyn telefon nómiri de turǵyndarǵa jarııa etildi. Sondaı-aq qala ákimi onlaın formatta, ıaǵnı kúnde keshke tikeleı efırge shyǵyp, turǵyndarmen oı bólisip, saýaldaryna jaýap berýde. Jergilikti turǵyndar rýhanı qala ákiminiń tótenshe jaǵdaı jarııalanǵan alǵashqy kúnderi biraz ýaqytqa deıin betperdesiz júrgenin de nazardan tys qaldyrmapty. Basshylardyń barlyǵy betperde taǵyp júrgende ákimniń bul áreketin bilgisi kelgender tikeleı efır arqyly saýalyn da joldaǵan. «Betperde jetispeýshiligi bizde ǵana emes, barlyq qalalarda týyndap tur. Qazirgi tańda qolǵa alyp, jergilikti kásipkerler táýlik boıy tigýde. Taqpaıtyn sebebimiz de sol. Halyqqa jetkize almaı jatyrmyz. Ákimdik qyzmetkerleri 174 myń adamnyń ómirine jaýapty. Betperdeler dárihanalarda paıda bolyp, halyq qamtamasyz etilgende - biz de taǵatyn bolamyz» - dep jaýap beripti turǵyndar saýalyna Rashıd Aıýpov. Osylaısha qala ákimi turǵyndardyń barlyǵyn betperdemen qamtamasyz etý baǵytyndaǵy jumystardy jedeldete tústi. Nátıjesin qala ákiminiń búginde únemi betperde taǵyp júrgenin ańǵarýǵa bolady. Sondaı-aq oblys ákimi О́mirzaq Shókeevtiń tapsyrmasymen qalanyń 6 baǵytynda baqylaý-tekserý beketteri qoıylyp, quzyrly mekeme qyzmetkerleri kirgen adamdardy tirkep, densaýlyq kórsetkishterin baqylaýǵa alǵan. Aıaldamalardan bastap, qoǵamdyq kólik, avtobeketter, temirjol vokzaly jáne basqa da adamdar kóp shoǵyrlanatyn jerlerde dezınfeksııalaý jumystary júıeli túrde júrgizilýde. Balabaqshalar jumysy naýryzdyń 20-nan toqtatylǵan. Birqatar mekemelerdiń jumys tártibine ózgerister engizilip, saqtyq sharalaryn oryndaýy qadaǵalanýda. Shymkent qalasynda bir emes, eki adamnyń indetke shaldyqqany jaıly aqparat turǵyndardyń bazarlardy da jabý kerek degen usynysyna túrtki bolsa kerek. Buǵan qosa, Covid-19 jáne oqshaýlama mańyzy jaıly ákimdik tarapynan qarapaıym tilde daıyndalyp, taratylyp jatqan aqparat ta óz septigin tıgizýde.

ıı

Jalpy elmizdiń rýhanı astanasy Túrkistanda qaýipsizdikti saqtaý sharalary qatań saqtalyp, bul oraıda, qala ákimdigi halyqpen baılanystyń tyń joldaryn qoldanyp tıimdi jumys isteýde.  

m

 

Túrkistan oblysy

Sońǵy jańalyqtar

Gadjetti jıi súrtken de zııan

Tehnologııa • Búgin, 07:48

Basqa basylymdardan

Álem • Búgin, 07:39

Taıaý Shyǵys taǵy da dúrlikti

Álem • Búgin, 07:36

La Lıga 8 maýsymda bastalady

Fýtbol • Búgin, 07:33

Abaı álemin beınelegen arýlar

Abaı • Búgin, 07:22

Munaıshylar áýletiniń tuńǵyshy

Tanym • Búgin, 07:16

66 paıyzy er-azamattar...

Medısına • Búgin, 07:13

Elektrondy qujat kúshine enetin kezeń

Tehnologııa • Búgin, 07:10

Kúngeı men kóleńke

Rýhanııat • Búgin, 07:05

Pákistanda ushaq qulady

Álem • Búgin, 07:05

Abaıtaný – HHI ǵasyr kóginde

Abaı • Búgin, 06:56

Et eksporttaıtyn elde et qymbat...

Ekonomıka • Búgin, 06:50

Bir áýlettiń taǵdyry

Tarıh • Búgin, 06:42

Eń tabysty tennısshi

Tennıs • Búgin, 06:35

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Uqsas jańalyqtar