Aımaqtar • 29 Naýryz, 2020

Túrkistan: 80 myńǵa jýyq betperde tegin taratyldy

172 ret

kórsetildi

1 mın

oqý úshin

Túrkistan oblysy Ordabasy aýdanynda jergilikti turǵyndar, kitaphanashylar men eriktiler birlese betperde tigýdi qolǵa alǵan. Búgingideı qıyndyqta judyryqtaı jumyla áreket etý qajet ekenin aıtyp, jergilikti bılikke turǵyndar ózderi usynyspen kelipti. Usynys qoldaý tapty. Sóıtip ıgi bastama nátıjesinde tigilgen 60 myńnan astam betperde aýdan turǵyndaryna tegin taratylǵan. Sonymen qatar, aýdan boıynsha áleýmettik az qamtylǵan 105 otbasyǵa áleýmettik mańyzy bar azyq-túlik qory taratylyp berilgen. Oǵan jergilikti halyq qalaýlylary men kásipkerler demeýshilik jasady.

Ǵalymjan ELShIBAI

Túrkistan: 80 myńǵa jýyq betperde tegin taratyldy

Al Kentaý qalasynda 20 myńǵa jýyq betperde tegin taratyldy. Igi iske qaladaǵy eriktiler uıymy uıytqy bolyp otyr. Árbir kósheni aralap turǵyndarǵa betperde men arnaıy qorǵanysh qolǵaptaryn tartý etken jastar, koronavırýstan qorǵaný joldaryn túsindirdi. Kóshege kóp shyqpaý kerektigin jáne adamdar kóp jınalatyn jerlerge barmaý qajettigin eskertti. Sondaı-aq, eriktiler qalaǵa kireberis qaqpada ornalasqan blok-posttaǵy kelýshilerge de betperdeler berdi. «Endi, áleýmettik jaǵdaıy tómen otbasylarǵa, ardagerlerge jáne múmkindigi shekteýli azamattardyń úılerine aparyp beremiz. Bul ıgi isti aldaǵy ýaqytta da jalǵastyratyn bolamyz», deıdi qalalyq Jastar resýrstyq ortalyǵynyń basshysy Qanat Bekmetov.

Túrkistan oblysy