Aımaqtar • 29 Naýryz, 2020

Qaraǵandy oblysynda karantın qalaı júrgiziledi?

519 retkórsetildi

Qaraǵandy oblysynda 30 naýryzdan bastap Qaraǵandy, Saran, Shahtınsk, Abaı jáne Temirtaý qalalary karantınge jabylatyn boldy. Bul týraly tikeleı efırde ótken brıfıngte oblystyń bas sanıtar dárigeri Qanat Asqarov málimdedi.

– Qazirgi ýaqytta Qaraǵandyda koronavırýs juqtyrǵan jeti oqıǵa tirkeldi. Seriktes qalalardaǵy turǵyndarynyń 20 paıyzy Qaraǵandyǵa jumysqa jáne basqa da sharýalarymen qatynaıtynyn eskere otyryp, koronavırýs ınfeksııasynyń taralýyna jol bermeý úshin atalǵan qalalardy karantınge jabý týraly sheshim qabyldandy, – dedi ol.

Eskerte ketetin bir jaıt, oblysta karantındik is-sharalar kezeń-kezeńimen júzege asyrylady. Áýeli jekelegen shekteýler qoıylady. Sodan keıin baryp, karantın aýmaǵy túgeldeı qorshaýǵa alynady. Bul is-sharanyń barysy  jáne ýaqyty qosymsha habarlanatyn bolady.

Sonymen qatar, Qanat Asqarov arnaıy reısterdi shektemeı, avto jáne temir jol vokzaldaryn jabý jóninde memlekettik komıssııaǵa ótinish hat jiberiletinin jetkizdi. «Sondaı-aq, qoǵamdyq kólikti shekteý jáne karantın aýmaǵyn tolyqtaı qorshaýǵa alýǵa ótinish hat jiberemiz», dep atap ótti oblystyń bas sanıtar dárigeri.

Brıfıngte Qaraǵandy qalasynyń ákimi Nurlan Áýbákirov 30 naýryzdan bastap kúshine enetin qaýipsizdik is-sharalary týraly aıtyp berdi.

– Birinshi kezekte azyq-túlik, dári-dármek, bank qyzmetin alý jáne jumysqa barýdan basqa jaǵdaıda azamattardyń úıden shyǵýy shekteledi. Ekinshiden, jasy 65-ten asqan adamdarǵa úıde otyrýǵa keńes beriledi. Úshinshi – saıabaqtar, gúlzarlar, jaıaý júretin kósheler, oıyn alańqaılary jáne basqa da adam kóp jınalatyn jerler jabylady. Tórtinshiden, bıznes-ortalyqtardyń jumysyna saǵat 10.00-den 15.00-ge deıin shekteý qoıylady. Ol jerlerdegi qoǵamdyq tamaqtandyrý oryndarynyń jumysy toqtatylady. Besinshi – barlyq múliktik menshik nysanyndaǵy kásiporyndar men uıymdarǵa jumys ýaqytyn eki saǵatqa qysqartý usynylady, – dedi qala ákimi.

Budan bólek, aýmaǵy 2 myń sharshy metrden asatyn nysandardyń jáne azyq-túlik emes taýarlardy satý jónindegi barlyq saýda oryndarynyń qyzmeti ýaqytsha toqtatylady. Memlekettik jáne jekemenshik balabaqshalar jabylady. Sulýlyq salondary, qoǵamdyq monshalar men saýnalar, býkmekerlik keńseler jáne basqa da qyzmet kórsetý oryndary jumysyn toqtatady.

Meıramhanalar men dámhanalarǵa tek tapsyrys jetkizý qyzmeti úshin jumys isteýge ruqsat beriledi.

Kóshelerde jáne basqa da qoǵamdyq oryndarda otbasy múshelerinen basqa, top bolyp úsh adamnan artyq jınalýǵa tyıym salynady. Kámelettik jasqa  tolmaǵandardyń eresektersiz qalada júrýine tyıym salynady.

Sońǵy málimetterge saı, Qaraǵandyda karantınde táýlik boıy baqylaýǵa alynǵan 509 adam bar. Bular 1A sanatyndaǵy elderden oralǵan nemese shartty túrde ınfeksııa juqtyrǵan adamdarmen baılanysta bolǵan azamattar. Taǵy 421 adam úı karantınine alynǵan.

Oblystyq densaýlyq saqtaý basqarmasynyń basshysy Erjan Nurlybaev bıýdjet qarajatyna ekspress-test partııasynyń satyp alynǵanyn jáne onyń oblysqa 7 sáýir kúni jetkiziletinin habarlady. Testileý klınıkalyq kórsetkishteri bolǵan jaǵdaıda aýmaqtyq emhanalarda tegin júrgiziledi.

– Qazirgi ýaqytta koronavırýsty juqtyrýdyń jeti oqıǵasy anyqtaldy, onyń tórteýi syrttan ákelingen jáne aýyrǵandardyń úsheýi bizdiń oblystyń  turǵyndary. Barlyq naýqastar epıdemııaǵa qarsy qaýipsizdik sharalary saqtaı otyrylyp oqshaýlanǵan jáne olar emdeý kýrsynan ótýde. Qazirgi ýaqytta olardyń jaǵdaıy qanaǵattanarlyq dep baǵalanady. Qajetti dári-dármek tolyq kólemde bar, – dedi Erjan Nurlybaev.

Brıfıng barysynda spıkerler jýrnalısterdiń Qaraǵandydaǵy koronavırýs juqtyrýdyń sońǵy úsh oqıǵasyna qatysty qoıǵan suraqtaryna jaýap berdi.

– Biz naýqastarmen baılanysta bolǵan epıdemıologııalyq tizbekti toqtatý boıynsha sharalar júrgizýdemiz. Olardyń barlyǵy anyqtalyp, karantınge ornalastyryldy. Emdelýshilerdiń biriniń qatań karantın rejımin buzǵandyǵy anyqtaldy. Sondyqtan, biz sanıtarlyq-epıdemıologııalyq is-sharalardy kúsheıttik. Atap aıtqanda, Qaraǵandydaǵy kóp qabatty úılerdiń biriniń kireberisin karantınge japtyq,  – dedi taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Qanat Asqarov.

Brıfıngtiń sońynda spıkerler Qaraǵandy oblysynyń turǵyndaryn úreıge boı aldyrmaı, túsinýshilik tanytyp, talaptardy qatań saqtaýǵa shaqyrdy. 

 

Qaraǵandy oblysy

 

Sońǵy jańalyqtar

Gadjetti jıi súrtken de zııan

Tehnologııa • Búgin, 07:48

Basqa basylymdardan

Álem • Búgin, 07:39

Taıaý Shyǵys taǵy da dúrlikti

Álem • Búgin, 07:36

La Lıga 8 maýsymda bastalady

Fýtbol • Búgin, 07:33

Abaı álemin beınelegen arýlar

Abaı • Búgin, 07:22

Munaıshylar áýletiniń tuńǵyshy

Tanym • Búgin, 07:16

66 paıyzy er-azamattar...

Medısına • Búgin, 07:13

Elektrondy qujat kúshine enetin kezeń

Tehnologııa • Búgin, 07:10

Kúngeı men kóleńke

Rýhanııat • Búgin, 07:05

Pákistanda ushaq qulady

Álem • Búgin, 07:05

Abaıtaný – HHI ǵasyr kóginde

Abaı • Búgin, 06:56

Et eksporttaıtyn elde et qymbat...

Ekonomıka • Búgin, 06:50

Bir áýlettiń taǵdyry

Tarıh • Búgin, 06:42

Eń tabysty tennısshi

Tennıs • Búgin, 06:35

Qazaqtyń kúmis kómeı ánshileri

Rýhanııat • Keshe

Búgin aıt namazy oqyla ma?

Rýhanııat • Keshe

Búgin - Oraza aıt merekesi

Rýhanııat • Keshe

Uqsas jańalyqtar