Kentaý-Túrkistan baǵytyndaǵy baqylaý-ótkizý beketine barǵan Túrkistan oblysy ákiminiń orynbasary Sáken Qalqamanov keleńsiz kórinistiń kýágeri bolypty.
«Kólikter zańdy talapqa baǵynbaı, 2-3 qatarǵa turyp, beketten kezeksiz ótýge áreket jasaýda. Bul óz kezeginde keptelis týdyryp, azamattardyń ýaqyttaryn alýda. Polısııa qyzmetkerleri zańǵa baǵynbaǵan adamdarǵa aıyppul salyp, kolonnanyń sońyna kezekke qaıta jiberýde. Tipti «Álem halyqtary jazýshylary odaǵynyń» múshesimin degen azamatsha kezekten tys ótkizýin talap etip shý shyǵardy. Zań bárine ortaq bolǵandyqtan, ol azamatshanyń kóligi de kezek sońyna jiberildi. Eger biz polısııa talaptaryna baǵynbaı, zańdy saqtamasaq, bir-birimizdi syılamasaq, kezekte uzaq turatynymyz anyq. Barlyq azamattarǵa aıtarym, qalaaralyq qozǵalysty toqtatyp, úıde otyryńyzdar degim keledi. Senbi-jeksenbi kúnderi «shuǵyl» jumystardyń barlyǵyn toqtatý qajet. Ákimdik pen TJ shtaby aıtqan erejelerdi saqtaýdy ótinemin!», deıdi Sáken Qalqamanov áleýmettik jelidegi jazbasynda.
Túrkistan oblysy
