Meıirlannyń músinderi

Endi oqýshylar onlaın oqytý júıesi arqyly bilim almaq. Osy tusta «Oqýshylar demalys ýaqyt­taryn qalaı ótkizýde?» degen suraq týyndaıdy. Eki megopolıstegi oıyn-saýyq ortalyqtary ýaqytsha jabyq.  Aýlada da balalar emin-erkin oınaı almaıdy. Buǵan deıin olar qosymsha sabaqtarǵa, sporttyq seksııalarǵa, óner úıirmelerine baratyn. Qazirgi ahýal qıyndaý.

Mine, tótenshe jaǵdaı kezinde ýaqytyn bosqa ótkizbeı, ár kúnin tıimdi paıdalanyp júrgen Meıirlan Jarylqasyn týraly sóz qozǵasaq. Ol Almaty oblysy, Uıǵyr aýdany, Bahar aýyly A.Rozybakıev atyndaǵy orta mekteptiń 4-synybynda oqıdy. О́zi sportshy, respýb­lıka kóleminde ótetin taekvando ja­rystarynan qur qol qaıtqan emes. Oqý ozaty atanǵan Meıirlan bú­ginde mýltfılm keıipkerleriniń beınesin ermeksazben qalap, túrli obrazdarǵa aınaldyrýda. Ár obrazy erekshe. Máselen, bala qııalynan týǵan «О́rmekshi adam», «Erjúrek Djon», «Tórt aıaqty qubyjyq», «Al­paýyt dáý» sekildi týyndylary kópshilikti beıjaı qaldyrmaıdy. Ermeksazǵa degen qyzyǵýshylyǵy jeti jasynan oıanǵan Meıirlannyń ata-anasy onyń bul ónerin shyńdap, aldaǵy ýaqytta týyndylaryn aýdan, oblys kólemindegi kórmelerge joldamaq.

Endeshe, M.Jarylqasyn álemge tanymal M. Antokolskım, Alberto Djakomettı, Fernando Botero jáne otandasymyz gıperrealıst-mú­sin­shi Aıdos Esmaǵambetov sııaq­­­­ty mú­sinshilerdiń dańǵyl jolyn jalǵastyrmasyna kim kepil?! Bola­shaqta Meıirlannyń qolynan tek mýltfılm keıipkerleri ǵana emes, qazaq halqynyń ertegilerindegi erjúrek batyrlardyń da obrazdary kórkem týyndyǵa aınalatynyna senimdimiz. 

Aıym BOLATQYZY