Ustaz degen uly esim. Mártebesi – bıik, abyroıy – asqaq, aty – joǵary mamandyqqa laıyqty qyzmet etý árbir muǵalimniń paryzy dep sanaımyz. Ras, 90-jyldarda ustazdyq qyzmet jan baǵýǵa qıyn boldy. Degenmen, el ekonomıkasy kóterilip, áleýmettik jaǵdaıymyz artqan saıyn memleket tarapynan oqytýshylarǵa barynsha kóńil bólinip, mektepteri jańaryp, materıaldyq-tehnıkalyq bazasy nyǵaıyp keledi.
Ustaz degen uly esim. Mártebesi – bıik, abyroıy – asqaq, aty – joǵary mamandyqqa laıyqty qyzmet etý árbir muǵalimniń paryzy dep sanaımyz. Ras, 90-jyldarda ustazdyq qyzmet jan baǵýǵa qıyn boldy. Degenmen, el ekonomıkasy kóterilip, áleýmettik jaǵdaıymyz artqan saıyn memleket tarapynan oqytýshylarǵa barynsha kóńil bólinip, mektepteri jańaryp, materıaldyq-tehnıkalyq bazasy nyǵaıyp keledi.
Burnaǵy kúni Qyzylorda oblysynda «Sapaly bilim men tárbıe berý – Qazaqstannyń memlekettik saıasatynyń basymdyǵy» atty tamyz keńesi ótti. Keńes barysynda aımaqtaǵy bilim sapasyn arttyrý, oqý úderisinde álemdik ozyq tájirıbelerdi dendep engizý sııaqty keleli máseleler sóz boldy. Oblys ákimi Qyrymbek Kósherbaev keńeske arnaıy qatysyp, baıandama jasady. Naqty tapsyrmalar berip, aldaǵy mejemizdi anyqtady. Osy alqaly jıyn barysynda bizdi qýantqan bir jaıt boldy. Aımaq basshysy ustaz mártebesin arttyrý, úzdik pedagog mamandaryn qoldaý maqsatynda arnaıy syıaqy taǵaıyndaǵan eken. Tamyz keńesinde 20 úzdik ustazǵa 1 mıllıon teńgeden syıaqy berildi. Aımaqtaǵy mańdaıaldy muǵalimderdiń qatarynda ózimniń bolǵanyma óte qatty qýandym. Bul bizdiń osy ýaqytqa deıin jasaǵan eńbegimizdiń baǵalanǵany, bolashaqta atqaratyn jumysymyzǵa jaýapkershilik dep qabyldadym. Ákim taǵaıyndaǵan syıaqyny Jańaqorǵan aýdanynan Aısulý Jalǵyzbaıqyzy, Jalaǵashtan Toty Jálıeva, Qazaly aýdanynan Nurbek Qojamjar, Qarmaqshydan Manat Kóbekova, Qyzylorda qalasynan Nadejda Karachenseva sekildi 20 adam ıelendi. Aıta keterligi, syıaqyǵa ıe bolǵan muǵalimderdiń barlyǵy oblystyq jáne respýblıkalyq olımpıadalarda jeńimpaz bolǵan, oqýshylary da osyndaı saıystarda top jarǵan. Sondyqtan syıaqy da laıyqty ıelerin tapty degen oıdamyz.
Álipti taıaq dep úıretý, jas balaǵa bilim berý, onyń ómirlik jolyn aıqyndaý, bolashaqta adaspaı óz jolyn tabýǵa umtyldyrý, memleketimizdiń bolashaǵyn baıandy etetin azamat tárbıeleý, eń bastysy – sanaly da bilimdi urpaqty qalyptastyrý aıtýǵa ońaı bolǵanmen, óte aýyr mindet. Syr boıynyń ustazdary osy jolda aıanbaı eńbek etip jatyr. Al eńbek der kezinde baǵalanýy kerek. Bul tarapta oblys basshysy Qyrymbek Eleýuly ustaz eńbegin ýaqytynda baǵalap, bizdiń jumys isteýimizge ońdy jaǵdaı jasap, arnaıy syıaqy taǵaıyndap alǵa umtyldyryp otyrǵanyna qýanyshtymyz. Osy rette ustazdar qaýymynyń atynan aımaq basshylyǵyna úlken alǵys aıtqym keledi.
Hadısha ORYNBASAROVA,
№249 mekteptiń muǵalimi.
Qyzylorda oblysy,
Qazaly aýdany.
