Koronavırýs • 30 Naýryz, 2020

Álemdegi ahýalǵa sholý: Izraıl Premer-mınıstriniń kómekshisi vırýs juqtyrdy

281 retkórsetildi

Bul toptamada álemniń 177 elinde taraǵan Covid-19 vırýsyna qatysty sońǵy jańalyqtardy jarııalap otyramyz.

30 naýryzda Johns Hopkins University (JHU) usynǵan málimet boıynsha vırýs juqtyrǵandar sany - 732,153, ólim sany - 34,686, aıyqqandar sany - 154,673 adam boldy (jańartylǵan ýaqyty 17:23).

18:23

Izraıl Premer-mınıstriniń kómekshisi vırýs juqtyrdy

Izraıl Premer-mınıstri Bınıamın Netanıahý kómekshisiniń koronavırýs juqtyrǵany anyqtalǵan soń oqshaýlandy. 

70 jastaǵy kóshbasshynyń 15 naýryz kúni tapsyrǵan test saraptamasy teris nátıje bergen. Degenmen onyń vırýs juqtyrmaǵanyna senimdi bolý úshin qaıta test synamasy alynyp, karantınde bolady.

Premer-mınıstrdiń vırýs juqtyrǵan sheneýnikpen sońǵy ýaqytta baılanysta bolmaǵany belgili. Izraıldiń ózge de bılik ókilderi Covid-19 vırýsyna tekseriledi.

Qazir elde barlyǵy 4347 jaǵdaı tirkelgen. Indetten 16 turǵyn qaza bolǵan, 134-i aıyqqan.


17:10

Tokıo 2021: Olımpıadanyń ótetin kúni belgili boldy

Tokıo olımpıadasy kelesi jyly 23 shilde men 8 tamyz aralyǵynda ótetin boldy. 

2020 jylǵy Olımpıada oıyndary japon astanasynda 24 shildeden 9 tamyzǵa deıin ótýi tıis edi. Alaıda koronavırýs pandemııasyna baılanysty oıyn tarıhta alǵash ret keıinge qaldyryldy.

Jarystyń ótý kúnderin búgin Halyqaralyq Olımpıada komıteti men jergilikti uıymdastyrýshylar belgiledi.

1916, 1940 and 1944 jylǵy Jazǵy oıyndar bolmaǵanymen, osyǵan deıin 41 ret ótken Olımpıada eshqashan keıinge qaldyrylmaǵan.

Tokıodaǵy Olımpıada tarıhtaǵy eń iri oıyn bolýǵa tıis edi. Eger baǵdarlama kelesi jyly da ózgermese, 33 sport túri boıynsha 339 jarysqa 10 000-nan astam sportshy qatysady.

x


16:45

f


15:55

Djek Ma Qazaqstanǵa gýmanıtarlyq kómek kórsetedi

Qytaılyq Alibaba kompanııasynyń basshysy Djek Manyń qaıyrymdylyq qory birqatar memleketke koronavırýspen kúreste kómek kórsetip keledi. Jaqynda qor ókilderi mundaı kómek Qazaqstanǵa da kórsetiletinin málimdedi.

Ázirbaıjan, Býtan, Úndistan, Qazaqstan, Qyrǵyzstan, О́zbekstan jáne Vetnam elderi jalpy alǵanda 1,7 mıllıon maska, 165 000 test, jeldetkishter men termometrler, medısına qyzmetkerlerine arnalǵan qorǵanys kıimi men medısınalyq jabdyqtardy ózara bólisip alady. 

Belgili kásipker osyǵan deıin Afrıka, Latyn Amerıka, Eýropa elderine jáne kórshiles Azııa memleketterine osyndaı kómek kórsetken. 

Sondaı-aq ol Qytaı dárigerleriniń Covid-19 vırýsymen kúres tájirıbesin sıpattaǵan 61 bettik kitapshanyń shyǵýyna atsalysty. Álemniń jeti tiline aýdarylǵan bul eńbekte medısına mamandaryna arnalǵan qundy derekter men keńester bar. Orys tilindegi úlgisin tómendegi siltemeden tabýǵa bolady bolady.

COVID-19 koronavırýstyq ınfeksııasynyń aldyn alý jáne emdeý boıynsha nusqaýlyq


12:00

Eýropanyń 7 eli vırýs kóp taralǵan ondyqqa endi 

AQSh: 143,025

Italııa: 97,689

Qytaı: 82,152

Ispanııa: 80,110

Germanııa: 62,435

Fransııa: 40,723

Iran: 38,309

Ulybrıtanııa: 19,784

Shveısarııa: 14,829

Nıderland: 10,930


10:42

Karantın buzǵandarǵa qatań shara qoldanǵan elder

Álemde birqatar memleket karantın erejelerin buzǵandarǵa qatysty qatań shara qabyldap jatyr.

Gonkong

Gonkongta 31 jastaǵy er adam úı karantınin buzǵany úshin túrmege qamalǵan.   

О́ziniń turǵylyqty meken jaıy týraly jalǵan aqparat bergen oǵan sot úsh aıǵa túrmege qamaý týraly sheshim shyǵarǵan.

Azamat óz kinásin moıyndap, karantınge jatqysy kelmegenin aıtqan.

Elde karantın erejelerin saqtamaǵandarǵa 25,000 Gonkong dollary kóleminde aıyppul salynady nemese 6 aıǵa deıin túrmege qamalady.

Aýstralııa

Iordanııadan Sıdneıge oralǵan Aýstralııa azamaty 14 kúndik karantındi buzǵany úshin qamaýǵa alynǵan. Ol shetelden kelgen barlyq adamǵa arnalǵan úı karantınin 24 saǵat ishinde úsh ret buzǵan.

О́ńirdiń polısııa basshysy sottan oǵan eń aýyr jazamen qatar, Italııa men Ispanııa áskeriniń qaza bolǵan adamdardyń beıitin tasyǵan sýretterin kórýge májbúrleýdi surap otyr eken.

Aýstralııada ereje búzǵandarǵa jaza $1000 aıyppuldan bastalady. Al eń aýyr jaza $11000 aıyppul men 6 aıǵa túrmege qamaýǵa deıin barady.

s

Sýret: AAR


09:59

Álemdegi jaǵdaı qysqasha:

• Tokıoda bir kúnde 68 jaǵdaı tirkeldi. Bul - Japon astanasy úshin osyǵan deıin tirkelmegen eń úlken kórsetkish. 

• Argentına el boıynsha jarııalanǵan karantındi sáýirdiń ortasyna deıin uzartty.

• Nıý-Iork shtatynda ólim sany 1000-nan asty.

• AQSh vırýs eń kóp taraǵan el bolyp otyr, jalpy naýqastar sany 142,356

• Italııada koronavıýs juqtyrǵandar sany Qytaıdan asyp ketti. Qazir elde 97,689 jaǵdaı tirkelgen. Italııa AQSh-tan keıingi vırýs kóp taraǵan ekinshi el. 

• Ulybrıtanııa premer-mınıstri Borıs Djonson koronavırýs juqtyrdy

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Uqsas jańalyqtar