Qala kóshelerin polısııa qyzmetkerleri qadaǵalap jatyr. Eki kún ishinde aýmaqtyq polısııa basqarmalaryna 164 adam jetkizildi, 68 tártipbuzýshyǵa ákimshilik hattama jasaldy. Qalǵan adamdarmen profılaktıkalyq áńgime júrgizildi. Sizdiń qaýipsizdigińiz ben koronavırýs ınfeksııasynyń taralýyn azaıtý maqsatynda úıde qalyp, barlyq qaýipsizdik sharalaryn saqtaýdy suraımyz.
Esterińizge sala keteıik, 30 naýryzdan bastap 5 sáýirge deıin avtobýstar júrmeıdi. Dárigerler, polısııa qyzmetkerleri jáne qalanyń tynys-tirshiligin qamtamasyz etetinderden basqasy apta boıy jumys istemeıdi. Elorda ákimdigi koronavırýspen kúresip jatqan medısına qyzmetkerleri úshin qonaq úıler, kólik bólip, tamaq uıymdastyrdy. Emhanalar men aýrýhanalarda jumys isteıtin dárigerler úshin de kólik uıymdastyrylǵan. Kólikti CTS kompanııasy usyndy.
