Koronavırýsty Atyraý qalasyna issaparǵa barǵanda juqtyrǵan 42 jastaǵy Álııa jeke kóligimen 27 naýryz kúni keıin oralǵan. 28 naýryz kúni tańerteń dene qyzýy kóterilgenin, álsizdik jaılaǵanyn baıqaǵan. Sóıtip, birden 1406, 103 nómirlerine qońyraý shalyp, óziniń jaǵdaıyn aıtyp beredi. Onyń ústine vırýsty eshkimge juqtyrmaý úshin, eshkimdi qaýipke dýshar etpeý úshin óz kóligimen oqshaýlaý ortalyǵyna jeke kóligimen ózi kelip ornalasady. Sol jerde barlyq dárigerler naýqastyń jaǵdaıyn tekserip, analızderin alyp, erteńine onyń shynynda da koronavırýske shaldyqqanyn anyqtaǵan.
Al endi osy adamnyń tolyq aty-jóni, qyzmeti qalaısha kópshilikke jarııa bolyp ketken? Álııa ózine jan-jaqtan tanystary telefon shalyp, «bolǵan oqıǵa týraly áleýmettik jelilerden kórgenin» aıtqanda, qatty tań qalǵan.
– Áleýmettik jelilerde, sondaı-aq WhatsApp messenjerinde naýqastyń jeke málimetteri, turǵylyqty jeri kórsetilgen aqparat kópshilikke tarap ketken. Bul qylmystyq jaýapkershilikke tartylatyn quqyqbuzýshylyq. Bul úshin 7 jylǵa deıin bas bostandyǵynan aıyrý jazasy qarastyrylǵan. Qazir osy qylmys boıynsha is kóterilip, Oral qalalyq polısııa basqarmasy tergeý júrgizýde, – deıdi Batys Qazaqstan oblystyq Polısııa depakrtamentiniń resmı ókili Bolatbek Belgibekov.
Batys Qazaqstan
