Qazaqstan • 30 Naýryz, 2020

Medısınalyq maskalar men dezınfeksııalaý quraldaryn óndirý qalaı júzege asýda

38 retkórsetildi

2020 jyldyń 28 naýryzynda maskalar óndirisiniń táýliktik kólemi 773 myńdy qurady, onyń ishinde farmasevtıkalyq kásiporyndar – 228 myń, tigin kásiporyndary – 545 myń, dep habarlady Indýstrııa jáne ınfraqurylymdyq damý mınıstrliginiń baspasóz qyzmeti.

Aqparat «SK-Farmasııa» JShS-ne beriledi, olar medısınalyq maskalardy júzege asyrady. Densaýlyq saqtaý mınıstrligi óndirilgen ónimdi elimizdiń óńirleri boıynsha bóledi. Dáke jáne mata maskalary jergilikti atqarýshy organdarmen shart negizinde satylady.

Sonymen qatar, «Biz birgemiz» qaıyrymdylyq aksııasy aıasynda «Mega Pharma» JShS farmasevtıkalyq kásiporny Nur-Sultan, Almaty jáne Shymkent qalalarynyń turǵyndaryna tegin 100 000-nan astam medısınalyq maska taratty.

Túrkistan oblysy, Kentaý qalasynda eriktiler uıymdary 20000 betperde taratty.

Búgingi kúni medısınalyq maskalardy óndirý jumystary otandyq kásiporyndarmen táýlik boıy júrgiziledi: «Dolce» JShS (Almaty obl.), «Super-pharm» JShS (Jambyl obl.), «Mega Pharma» JShS (Jambyl obl.), «Medical Active Group» JShS (Almaty q.), «Merýsar» JShS (Pavlodar q.), «TK-Farm Aqtóbe» JShS (Aqtóbe q.).

Sonymen qatar maskalar ónidirisine jergilikti atqarýshy organdarmen birlesip 70-ten astam tigin kásiporyndary tartyldy: «Dalatex» JShS (Qyzylorda q.), «Bolshevıchka» JShS (Qostanaı q.), «Eko-Farm» JShS (Shymkent q.), «As Farm» JShS (ShQO), «Tynys» AQ (Kókshetaý q.), «KazLegProm» JShS (Almaty q.), «Janarys» JShS (Mańǵystaý oblysy). jáne t. b.

Búginde barlyq farmasevtıkalyq jáne tigin kásiporyndarynyń qýaty tolyq júkteme kezinde táýligine 1 mln.maskaǵa deıin óndirýge múmkindik beredi.

Tigin jáne farmasevtıkalyq kásiporyndardy maskalar óndirisi úshin shıkizatpen qamtamasyz etý maqsatynda Indýstrııa jáne ınfraqurylymdyq damý mınıstrligi «Azala Textile» JShS-men birlesip dáke óndirisin iske qosý máselesi pysyqtaldy. Búgingi kúni qýattylyǵy táýligine 3,6 myń seldir mata shyǵaratyn 3 stanok iske qosyldy jáne jumys isteıdi.

О́ndiristik sıkl memleketaralyq standartqa sáıkes jolǵa qoıylǵan (MEMST 9412-93 medısınalyq dáke). Sondaı-aq kásiporyn tómen tyǵyzdyqtaǵy aǵartylǵan maqta matasyn shyǵarady.

Bul rette, maqta matalardan kóp ret paıdalanýǵa arnalǵan bet (qorǵanysh) maskalaryn óndirý jáne ótkizý tirkeýdi jáne lısenzııanyń bolýyn talap etpeıdi, sebebi ónimniń bul t úri medısınalyq buıym bolyp tabylmaıdy jáne EAEO TR 019 «Jeke qorǵaý quraldarynyń qaýipsizdigi týraly» obektilerine enbeıdi.

Kásiporyndar eger ónim tehnıkalyq reglamentterdiń qoldanysyna túspese, óz taýarlaryn Qazaqstan Respýblıkasynyń zańnamasyna sáıkes uıymnyń standarty boıynsha shyǵarýǵa jáne ótkizýge quqyly.

Tigin kásiporyndary kóp ret qoldanylatyn 4, 8, 16 qabatty maskalar shyǵarady, olar óz kezeginde medısınalyq maska sııaqty qoldanylyp, juqpaly bólshekterdiń  taralýyna kedergini qamtamasyz etý retinde profılaktıkalyq qorǵaý maqsattarynda paıdalanylady. 

Dezıınfeksııalyq quraldar týraly aıta ketsek, aǵymdaǵy jyldyń 28 naýryzynda 94 332 lıtr óndirilgen, qoımada 144 200 lıtr, dárihana jelilerine, kósheler men úı – jaılardy dezınfeksııalaý úshin-100 093 lıtr tıelgen.

Uqsas jańalyqtar