– Kúı óte jyldam temppen oryndalady. Budan qazaq batyrlarynyń beınesin kórýge bolady. Jalpy, jastarymyzǵa patrıottyq rýh berý úshin shyǵarylǵan dúnıe. Úsh bólimmen turatyn kúı shamamen eki mınýtqa sozylady, – deıdi Aıbek Kenjebaıuly.
Almaty oblysy Kerbulaq aýdany, Qarashoqy aýylynyń týmasy, 24 jastaǵy ónerpaz shyǵarmashylyqqa 14-15 jasynan bastap bet bura bastapty.
– Ákem úıirmege qatysyp, dombyrashy bolǵanymdy qalaıtyn. Bastapqy kezde dombyraǵa degen múldem qyzyǵýshylyǵym bolǵan joq. Bir kúni teledıdardan dombyrashy, «Daryn» memlekettik jastar syılyǵynyń laýreaty Murager Saýranbaev aǵamyzdyń jeke konsertin kórip qaldym. Konsert aıaqtalǵan soń barsha kórermen qol soǵyp, jyly lebizin bildirip jatty. Dombyrashynyń talanty, shertken kúıiniń kúmbiri júregime óte qatty áser etti. 2011 jyly Almaty qalasyndaǵy P.Chaıkovskıı atyndaǵy Almaty mýzykalyq kolledjine kúıshi,prezıdent stıpendııasynyń ıegeri Aqbasov Saıat Qyrǵyzbaıulynyń synybyna túsip, ony támamdaǵan soń Nur-Sultan qalasyndaǵy Qazaq ulttyq óner ýnıversıtetindegi dástúrli óner fakýltetiniń «Dombyrashy» mamandyǵyn professor, QR eńbek sińirgen qaıratkeri, kompozıtor Orynbaı Dúısen Káriǵululynyń synybynda oqyp shyqtym, – deıdi kúıshi.
