«Memleket basshysynyń tapsyrmasyna sáıkes tótenshe jaǵdaı kezinde koronavırýs ınfeksııasynyń taralýyn boldyrmaý jáne turǵyndardyń áleýmettik osal toptaryn qoldaý sharalary keńinen júrgizilýde. Búginnen bastap barlyq qoǵamdyq kólikterge tıisti shekteýler qoıylyp jatyr. Sonyń ishinde kásiporyndar men mekemeler jumysyn ýaqytsha toqtatty. Tótenshe jaǵdaılar jónindegi memlekettik komıssııasynyń bul sheshimin qala turǵyndarynyń densaýlyǵyn saqtaý men koronavırýs indetiniń keńinen taralýyna jol bermeý úshin qabyldandy», dedi Baqtııar Máken.
Budan soń, ol qala ákimdigimen qolǵa alynyp jatqan sharalarǵa toqtalyp ótti.
«Elorda medısına qyzmetkerlerine tıisti qonaqúıler men kólik berildi. Atap aıtqanda Nur-Sultan qalasynyń stasıonarlarynda koronavırýs ınfeksııasyn juqtyrǵan nemese juqtyrǵan adamdarmen tikeleı baılanysta bolǵandar men jumys isteıtin medısına qyzmetkerleriniń qaýipsizdigin qamtamasyz etip olarǵa jaǵdaı jasaý úshin qonaqúıler berildi. Qalalyq shtab ystyq tamaqpen qamtamasyz etip, CTS kompanııasynyń 50-den astam kóligi berildi. Sondaı-aq qalanyń aýrýhanalary men emhanalarynda jumys isteıtin medısına qyzmetkerlerine tıisti arnaıy kólik uıymdastyrylǵan. Bul qyzmetterdiń barlyǵy tegin», dedi ol.
Sondaı-aq ol medısınalyq qyzmetkerlerge tıisti syıaqy beriletinin aıtty.
«Sanıtarlyq-epıdemıologııalyq salalarda jumys isteıtin qyzmetkerler úshin qarjylyq qoldaý paketiniń belgilengenin habarladyq. Sol bastamany biz qolǵa alyp búginnen bastap barlyq bizdiń medısınalyq qyzmetkerlerge tıisti syıaqy beriledi», dedi B.Máken.
