Aımaqtar • 30 Naýryz, 2020

Ár páterden bir adam ǵana syrtqa shyǵady

61 retkórsetildi

Batys Qazaqstan oblysynda koronavırýsqa shaldyqqan eki adam turatyn úıler karantınge alynyp, ondaǵy páter turǵyndarynyń óz úıine kirip-shyǵýy shekteldi. Oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaevtyń aıtýynsha, ár páterden bir adam ǵana dúkenge nemese dárihanaǵa barý úshin shyǵa alady.

Batys Qazaqstan oblysynda keshe koronavırýsqa shaldyqqan eki turǵyn anyqtalǵan bolatyn. Onyń biri 24 naýryzda Saratovtan kelgen aqsaılyq áıel shekaradan tekserilip, arnaıy saýalnama toltyryp ótip, úı jaǵdaıynda oqshaýda bolǵan. Tek 2-3 kún ótken soń ǵana odan syrqat belgileri kórine bastaǵan. Al Atyraý qalasynan kelgen oraldyq áıel boıyndaǵy ózgeristerdi ózi baıqap, provızarlyq gospıtalǵa óz kóligimen barǵan.

- Qazir eki naýqas ta Oral qalasyndaǵy juqpaly aýrýlar aýrýhanasyna jatqyzyldy. Ekeýiniń de jaǵdaıy qanaǵattanarlyq. Emdeý júrgizilýde, - dedi Nurlybek Mustaev.

Eki naýqaspen jaqyn qarym-qatynasta bolǵan 10 tulǵa provızorlyq stasıonarǵa jatqyzylǵan. Olar qazir dárigerlerdiń baqylaýynda. Al naýqastarmen jolyǵysqan, ártúrli qatynasta bolǵan 43 adam úı karantıninde oqshaýlanǵan. Sondaı-aq eki naýqas turatyn kópqabatty turǵynúılerdiń podezderine de karantın jarııalanǵan. Iаǵnı, eki naýqas turǵan úı turǵyndary óz páterinde oqshaýlanady. Ár páterden bir adam ǵana betperdemen shyǵyp, dúkennen, dárihanadan qajetti zattaryn ala alady. Nemese qajetti zattardy tapsyrys berip, úıge aldyrtady. Bári baqylaýda.

Aıta keteıik, koronavırýs tabylǵan bir áıeldiń egde ata-anasy bar eken. Olar qazir provızorlyq gospıtalda jatyr. «Saratovtan kelgen naýqastyń qarym-qatynasta bolǵan adamdary boıynsha reseılik áriptestermen de baılanystamyz» dedi Nurlybek Mustaev.

«Batys Qazaqstan oblysynda koronavırýspen kúres úshin barlyq medıkament, qural-jabdyq jetkilikti. Ázirge komendant saǵaty engizilmeıdi. Barlyq sheshim kún saıyn jedel shtabtyń uıǵarymymen qabyldanady» dedi Batys Qazaqstan oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary.

Sońǵy málimet boıynsha Batys Qazaqstan oblysynda koronavırýs kúdigi jáne naýqaspen qarym-qatynasta bolǵany úshin 92 adam aýrýhanalarǵa jatqyzylǵan. Sonyń ishinde 2 adam oblystyq juqpaly aýrýlar aýrýhanasynda, 45 adam «Kýmyska» sanatorııindegi provızorlyq gospıtalda, 9 adam Báıterek aýdanyndaǵy provızorlyq gospıtalda, 36 adam «Ivýshka» sanatorııinde karantındik stasıonarda jatyr. Olardan bólek 114 adam úı karantıninde oqshaýlanǵan.

Batys Qazaqstan

Sońǵy jańalyqtar

Jazýshylyqtan maqtanǵa deıin

Ádebıet • Búgin, 17:40

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Prezıdent Ahmetjan Esimovti qabyldady

Prezıdent • Búgin, 11:14

Uqsas jańalyqtar