«Koronavırýs ınfeksııasynyń taralýyn boldyrmaý úshin dezınfeksııalaý sharalary boıynsha aýqymdy jumystar júrgizilip jatyr. Adam kóp jınalatyn jerlerde erekshe kóńil bólinedi. Olar: Áleýmettik nysandar, bazarlar, sýpermarkettar, balalarǵa arnalǵan oıyn alańdary t.b tıisti jerlerde dezınfeksııa jumystary ótkizilip jatyr. Qala aýmaǵyn eritindimen óńdeýge kúndelikti 450 adam qatysady. Tegin medısınalyq kómektiń kepildi kólemi aıasynda dıspanserlik esepke alynǵan onkologııalyq aýrýǵa shaldyqqan naýqastar, júkti áıelder, jasy 65-ten asqan azamattar maskamen qamtylýda. Sonymen qatar Nur-Sultan qalalyq qoǵamdyq densaýlyq saqtaý basqarmasy medısınalyq mekemelerge tirkelgen turǵyndardy maskamen qamtamasyz etý maqsatynda «SK-Farmasııa» JShS-men birlesip, barlyq medısınalyq mekemeler qamtylǵan. Taǵy da aıta keterligi 22 naýryzdan beri elordaǵa 1 mıllıonnan astam maska dárihanalarda satyldy. Búgin taǵy 300 myń maska jetkizildi. Olardyń bári «Evrofarm» dárihanalar jelisinde satylyp jatyr» dedi Baqtııar Máken.
