- «Táýelsizdikke 20 jyl» turǵyn alaby koronavırýs ınfeksııasyna baılanysty 14 kúnge karantınge jabylǵany belgili. Biz osy qıyn kezeńde áleýmettik turǵyda áljýaz otbasylarǵa barynsha qoldaý kórsetip jatyrmyz. Elbasy tarsyrmasymen uıymdastyrylǵan «Biz birgemiz!» respýblıkalyq aksııasynyń aıasynda jaǵdaıy tómen 107 otbasyǵa azyq-túlik sebetteri tegin taratyldy. Sonymen qatar 716 otbasyǵa 40-50 paıyz jeńildikpen kartop, pııaz, sábiz, maı, un usynyldy, deıdi Buqarbaı Rysqululy.
Buqarbaı Parmanov turǵyn alabyna arzandatylǵan baǵamen birinshi surypty un jetkizilgenin, qazir nan baǵasy turaqty ekenin aıtty. Nan Jańatalap turǵyn alabyndaǵy (500 metr qashyqtaǵy) naýbaıhanada jabylyp, jetkizilýde. Turǵyndarǵa 75 teńgeden satylyp jatyr.
LTD Turmys uıymy eldimekenge kúnine 2 mezgil taza aýyz sý jetkizip berýde. Aýdan ákiminiń aıtýynsha, eldimekendegi barlyq turǵyndar qaýipsizdik talaptaryn muqııat oryndap, úı karantıninde otyr.
Barlyq 2 856 turǵynǵa turaqty túrde tegin medısınalyq betperde taratylýda.
Aıta keterligi, «Táýelsizdikke 20 jyl» turǵyn alabynda 132 az qamtamasyz etilgen, 96 kóp balaly otbasy turady.
