Klassıkalyq kınolardyń kórermenderine avtor Ýılıam Ýaılerdiń «Iezavel» (1938 j.) dramasynan bastap kórýdi usynady. Oqıǵa HIH ǵasyrdyń oratsynda Jańa Orleanda ótedi. Djýlı Mardsen esimdi boıjetken men Preston Dıllard atty bankırdiń úılený toıy áne-mine óteıin dep turǵan. Biraq, ekeýi ursyp qalady da toı bolmaıdy. Preston eldiń soltústigine ketip qalady. Sol jaqta basqa qyzǵa úılenedi. Bir jyldan soń qaıtadan Jańa Orleanǵa qaıtyp keledi. Elde adamdar súzekpen aýyryp jatyr eken. Jalpy, bul fılmde halyqtyń aýyr kezeńdegi turmysy sýrettelgen. Fılm eki ret «Oskar» alǵan.
Kınosynshy Djon Ford túsirgen «Erroýsmıt» (1931 j) melodramasyn epıdemııa jaıly myqty fılmderdiń úzdik úshtiginde kórsetedi. Fılm Martın Erroýsmıt (Ronald Kolman) atty jas dáriger týraly. Ony oba shyqqan Karıb araldaryna jiberedi. Sol jerde dáriger onyń aldynda ǵana jasaǵan preparatyn synap kóredi.
«Kamelııa gúlin ustaǵan áıel» (1936 j) Aleksandr Dıýmanyń osy attas pesasynyń negizinde túsirilgen. Oqıǵa HIH ǵasyrda, Parıjde ótedi. Kınosynshy bul fılmdi erekshe tartymdy ártister Greta Garbo (Margarıta) men Robert Teılor (Arman) úshin de kórýge bolady degen pikirde.
Skott Faınberg sıýjeti epıdemııa men juqpaly aýrýlar jaıly fılmder qatarynda «Úzilgen melodııa» (1955 j), «Nıý-Iorkti qorqytqan qanisher» (1950), «Doktor Erlıhtiń sıqyrly oǵy» (1940) fılmderin de ataıdy.
