Toptyń quramynda arnaýly tehnıkalarmen jaraqtandyrylǵan TJ departamentiniń «О́rt sóndirý jáne apattan qutqarý jumystary» qyzmetiniń qutqarýshylary men órt sóndirýshileri bar. Arnaıy tehnıkalar sýǵa batpaıtyndaı etip jaraqtandyrylǵan, sonymen birge ózderimen birge motorly qaıyqtar alyp júredi. Olar tasyǵan sý qoımasyn keship, júre alady. Seń ústinde qalyp qoıǵan adamdar men maldarǵa osylaı jetip, qutqarý kózdelgen. Sonymen birge shaǵyn ózenderde seńdi jaratyn saımandary da bar. Toptyń taǵy bir mindeti qaýipke monıtorıng jasaýǵa baǵyttalǵan. Olar jergilikti bılik pen turǵyndardy osy arqyly habardar etip otyrady. «Qazir arnaıy toptar Ýálıhanov, Músirepov jáne Aıyrtaý aýdandaryna attandyryldy. Olar óz mindetterin jaqsy biletin mamandar. Sondyqtan men olardyń sý tasqynyna qarsy qyzmeti joǵary deńgeıde bolyp, adamdar men múlikterdi qutqarýda jaqsy nátıje kórsetetinine senimdimin», deıdi TJ departamentiniń bastyǵy, polkovnık Ramıl Kamalov.
Al onyń orynbasary, maıor Igor Jýkov toptardyń qansha tehnıka birlikterimen qamtamasyzsh etilgenin naqty aıtyp, mamandardyń sany 30 adam ekenin eskertti.
Soltústik Qazaqstan oblysy
