Aımaqtar • 30 Naýryz, 2020

Jambyl oblysynda aýyl turǵyndary nesıe alyp, mal baǵýda

133 retkórsetildi

Jambyl oblysynda júzege asyp jatqan aýyl turǵyndarynyń turmystyq tabysyn jaqsartýdyń pılottyq jobasy aıasynda Sarysý aýdany, Saýdakent aýylynyń turǵyndary mal sharýashylyǵyn, egin sharýashylyǵyn jáne shaǵyn bıznesti damytý maqsatynda eki paıyzdyq mólsherleme boıynsha nesıege qol jetkizdi.

Aýylda jobanyń «Úı irgesindegi jerlerdi tıimdi paıdalaný» baǵyty boıynsha 901 aýlada 118 gektar jerde kókónister men jemister ósiriletin bolady. «Alańdardyń basym bóligine qyzanaq pen qııar egilmek. Barlyq úı mańyndaǵy ýchaskeler sýarmaly sýmen qamtamasyz etiledi. Ol úshin 6100 metr aryq tazalanyp, 2500 metr lotoktar jóndeýden ótken. Ieleriniń suraýy boıynsha 765 aýlada aýyl sharýashylyǵy tehnıkasynyń kómegimen egý jumystary atqarylatyn bolady, qalǵan otbasylar óz kúshterimen jumys isteýge daıyn», deıdi Baıqadam aýyldyq okrýginiń ákimi Amantaı Nazarbekov. Onyń  aıtýynsha, maýsym aıynda ár aýlanyń ortasha tabysy 618 000 teńge bolady dep kútilýde eken.

Al, jobanyń ekinshi baǵyty «Mal sharýashylyǵyn damytý» boıynsha 92 úı ıeleri 1 275 bas mal satyp alǵan. Onyń ishinde 288 bas iri qara, 40 buqa, 159 jylqy, 709 bas usaq mal bar. Aýyl turǵyny Altaı Nurmanov 3 360 000 teńge nesıege qol jetkizip, 7 bas jylqy satyp alypty. «Mal satyp alýǵa 2,8 mıllıon teńge jumsadym. Al qalǵan bóligine bir jylǵa jetpeıtin jem-shóp qorymdy tolyqtyrdym. Áıelim ózi bıe saýa beredi. О́zimiz ishkenge azyn-aýlaq qymyz daıyndaımyz. Al tabys kózin mal ósirip, kóbeıtý arqyly qalyptastyrmaqpyz. Esepteýim boıynsha jylqylarymnan jylyna úsh-tórt qulyn alamyn dep josparlap otyrmyn. Budan buryn da men mal sharýashylyǵymen aınalysqanmyn, alaıda isimdi ilgeriletý úshin qosymsha qarajat kerek edi. Bul oraıda tómen paıyzdyq nesıe úlken kómek boldy», deıdi ol. Sol sııaqty turǵyn Nurtaı Bólegenov te 2 mıllıon teńgege 5 bas jylqy satyp alǵan. Ol da maldy ósirip, satýmen aınalysýǵa belin bekem býyp otyr.

Sondaı-aq, jobanyń úshinshi baǵyty «Aýyl syrtyndaǵy jerlerdi  tıimdi paıdalaný» boıynsha atalǵan aýyldyq okrýgten tys 70 gektar bos jerler anyqtalǵan. Olardy utymdy uqsatýdyń joldary qaralmaq. Tórtinshi baǵyt boıynsha «Saýdakent-2019» kooperatıvi qurylyp, oǵan 87 mıllıon teńgege 20 birlik aýyl sharýashylyǵy tehnıkasy satyp alynǵan. Qurylym tóraǵasy Begaıdar Aıtbaevtyń aıtýynsha, ázirge 6 sharýa qojalyǵy kooperatıv múshesi atanypty. Pılottyq jobanyń barlyq qatysýshylary nesıe alǵannan keıin músheler sany arta túsedi dep josparlanýda. «Biz jerdi óńdeý, egý jáne sýarý úshin tehnıka beremiz. Úı irgesindegi jerlerden tabys tapqysy keletin turǵyndarǵa kooperatıv tómen baǵamen tuqym men tyńaıtqyshtar usynady. Sondaı-aq, biz daıyn aýyl sharýashylyǵy ónimderin ótkizýmen jáne ony naryqqa jetkizýmen aınalysamyz. Pılottyq jobanyń arqasynda qurylǵan kooperatıv 20 aýyl turǵynyn jumyspen qamtamasyz etetin bolady», deıdi ol. 

Jambyl oblysy

Sońǵy jańalyqtar

Almaty oblysynda jer silkinisi boldy

Aımaqtar • Búgin, 10:40

Aqtóbede 38 armıan kóligi tirkeldi

Aımaqtar • Búgin, 10:30

Túıe súti Qytaıǵa eksporttaldy

Álem • Búgin, 09:45

Erlikti dáripteıtin qomaqty qor

Rýhanııat • Keshe

Eki qylmystyq top ustaldy

Aımaqtar • Keshe

Uqsas jańalyqtar