Aımaqtar • 30 Naýryz, 2020

BizBirgemiz: Igi istiń basynda - isker áıelder

69 retkórsetildi

Qostanaı oblysynda #BizBirgemiz qaıyrymdylyq aksııasy aıasynda 60-tan astam  isker áıel óńirdegi turmysy tómen, kóp balaly otbasylar men jalǵyz basty qarttarǵa, tipti basyn qaterge tigip kópshilik oryndarda tártip kúzetinde júrgen polısııa qyzmetkerlerine de kómek kórsetýde.

Tótenshe jaǵdaı ǵoı dep qazan-oshaq basynda  qol qýsyryp qarap otyrmaı, qoǵamǵa paıdaly izgilik aksııasyn qolǵa alǵan áıelderdiń qatarynda kásipkerler, qoǵam belsendileri, ustazdar, dıqandar bar. 

- Rejim tártibi engizilgeli biz, eń birinshi kezekte, jalǵyz turatyn súıenish-tirenishi joq zeınetkerlerge, búkil otbasynyń aýyrtpalyǵyn ózi ǵana kóterip júrgen kóp balaly analarǵa  azyq-túlik jáne tazalyqqa qajet basqa da taýarlardy aparyp berip jatyrmyz.  Keshe ǵana «Sultan» atelesiniń dırektory Malıka Tólemisova oblys ortalyǵyndaǵy ýchaskelik ınspektorlarǵa 450, Jitiqara polıseılerine 150 maska úlestirip berdi. Biz quqyq qorǵaý organdarynyń ózin-ózi qamtamasyz ete alatynyn jaqsy túsinemiz. Biraq qazirgi jaǵdaıda maska eshqashan artyq bolmaıdy. Sondaı-aq, «Sarybaı» agrofırmasynyń basshysy Svetlana Mıhaılenko Qostanaı jáne Beıimbet Maılın aýdandarynda turatyn 200 otbasyǵa azyq-túlik túrinde kómek kórsetti, - dedi oblystyq Isker áıelder qaýymdastyǵynyń tóraıymy Gúlsara Jamanqulova.  

Qaýymdastyq jetekshisiniń aıtýynsha, isker áıelderdiń ıgi isi áli de jalǵasady. Qazir ardagerler keńesinen, áleýmettik qorǵaý basqarmasynan kómekke shynymen muqtaj otbasylardyń tizimi surastyrylyp, olardyń mekenjaıy anyqtalyp jatyr. Jomart júrek kásipker analar olarǵa osy aptanyń sońyna qaraı materıaldyq kómek kórsetpek.   Isker áıelder qaýymdastyǵynyń músheleri materıaldyq kómekke qosa, qazirgi jaǵdaıda kópshilikti moraldyq turǵydan qoldaý asa mańyzdy dep biledi. 

-  Qazir qyzym men nemerem Italııadaǵy basty indet oshaǵyna aınalǵan Lambordııa provınsııasynda turady.  Sondyqtan bul indettiń adamzat balasyna qanshalyqty qaýipti ekenin jaqsy túsinemin. Qyzym men nemermmen kún saıyn habarlasyp otyramyn. Endi óz elim úshin ne isteı alamyn. Otandastaryma qaıtsem, kómektesemin? – degen oı mazalap, aqyry áleýmettik jeliden jeke paraqsha ashyp, ózimniń balalarǵa arnalǵan ertegilerimdi jarııalaı bastadym. Baıqaımyn, oqylymy jaman emes sııaqty, - dedi ardager ustaz Aleksandra Sýslova.

Saıasatker áıelder klýbynyń jetekshisi Rıma Bekturǵanova da qarap jatqan joq. Qaıratker ana áleýmettik jeli arqyly «Aldyńǵy shepte» dep atalatyn chellendj bastap, kórinbeıtin dushpanǵa qarsy maıdannyń aldyńǵy shebinde júrgen búgingi kúnniń qaharmandary - dárigerlerdiń erlik isin dáriptep jatyr. - Jyly sóz jan jadyratady. Qazir bárimiz jyly aqparatqa, qýanyshty habarǵa, jaqsy sózge shólirkedik. Sondyqtan bir-birimizge eń bolmasa jaqsy sóz aıtý arqyly qýat berip, janashyrlyq tanytýymyz kerek, - deıdi ol. 

 

Qostanaı oblysy

Sońǵy jańalyqtar

Qurdym (tórttaǵan)

Ádebıet • Búgin, 17:20

Talǵat Qalıev jańa qyzmetke taǵaıyndaldy

Taǵaıyndaý • Búgin, 17:05

«Memorıal» servısiniń mańyzy zor

Aımaqtar • Búgin, 16:45

Sıfrlandyrý barysyn pysyqtady

Qazaqstan • Búgin, 16:29

Jańa formattaǵy jyr keshi

Rýhanııat • Búgin, 16:25

О́tken jyly 59,8 myń jup ajyrasqan

Qazaqstan • Búgin, 16:12

Túrkistandyq ustazdar marapattaldy

Aımaqtar • Búgin, 15:27

Týrızm salasy qalypqa kele bastady

Qoǵam • Búgin, 14:43

Tún tynyshtyǵyn buzatyndar kóp

Aımaqtar • Búgin, 14:28

Akademık Keńesbaı Musaev dúnıeden ótti

Rýhanııat • Búgin, 14:10

Qyrylmasaq, 40 mıllıon bolar edik

Qazaqstan • Búgin, 14:05

Júrekke salǵan jaralar óshpeıdi

Rýhanııat • Búgin, 12:58

Almatyda esirtki zerthanasy anyqtaldy

Aımaqtar • Búgin, 12:45

Prezıdent Ahmetjan Esimovti qabyldady

Prezıdent • Búgin, 11:14

Atyraý: Úsh aptada 17 bala joǵaldy

Aımaqtar • Búgin, 11:06

Uqsas jańalyqtar