Qazaqstan • 30 Naýryz, 2020

Mıkroqarjy uıymdaryn, lombardtar men ınternet-nesıe berýshilerdi tekserý bastaldy

584 retkórsetildi

Bul týraly búgin Qarjy naryǵyn baqylaý jáne retteý agenttiginde ótken onlaın jıyn barysynda belgili boldy.

Agenttiktiń habarlaýynsha, monıtorıng zań talaptarynyń saqtalýyna, qarjy pıramıdasynyń belgileri men banktik zańsyz áreketterdiń belgilerin anyqtaýǵa, sondaı-aq 23 naýryzdaǵy halyqqa tutynýshylyq nesıe beretin banktik emes uıymdardyń qyzmetine keń kólemdi aýdıt júrgizý týraly buıryqtarymen júzege asyrylady.

«Tekserý  naýryz-maýsym aılary aralyǵynda Nur-Sultan, Almaty jáne Shymkent qalalarynda ótedi, ol úshin agenttikte Ishki ister mınıstrliginiń jáne memlekettik kirister komıtetiniń qatysýymen 39 ınspeksııalyq top quryldy. 1,1 myń lombard (elde jumys istep jatqan lombardttardyń 50 paıyzy), onyń ishinde sáýirde - 424, mamyrda - 323, maýsymda – 353 uıym tekseriledi.  Sondaı-aq, 50-ge jýyq onlaın nesıeleý sýbektileri jáne 200-ge jýyq mıkroqarjy uıymdarynyń sýbektileri tekseriledi»,  dedi agenttik ókilderi.

Eń  aldymen, tótenshe jaǵdaıdyń áserinen zardap shekken halyqqa, shaǵyn jáne orta bızneske beriletin nesıeler boıynsha negizgi qaryzdy jáne syıaqy tóleýdi toqtata turý týraly buıryqtyń oryndalýy baqylaýǵa alynady.

«Qarjyny  syrt elderge aýdarýǵa,  terrorızmdi qarjylandyrýǵa qarsy is-qımyl týraly zańnyń saqtalýy, qarjy pıramıdasyn uıymdastyrý, qaryzdar koeffısıentine qoıylatyn talaptar, jyldyq tıimdi paıyzdyq mólsherleme jáne mıkrokredıtter boıynsha eń joǵary paıyzdyq mólsherleme, paıyzdardy esepteý, aıyppuldar men ósimpuldar, tólemderdi tóleý tártibi tekseriledi» dep atap ótti agenttik ókilderi.

Eske salaıyq, agenttik lombardtardyń qyzmetine qoıylatyn birqatar talaptardy, jarǵylyq jáne jarǵylyq kapıtaldyń mınımaldy deńgeıine qoıylatyn talaptardy kúsheıtti.

Lombardtardyń basshylary men quryltaıshylaryna býhgalterlik esepti júrgizý jáne biliktilik talaptary qoıyldy, lombardtardyń úı-jaılaryna qoıylatyn talaptar kúsheıtildi. Sonymen qatar, lombardtardy tirkeýdi jedeldetý boıynsha sharalar qabyldandy: Respýblıkalyq mańyzy bar qalalarda jáne oblys ortalyqtarynda - 2020 jyldyń 1 mamyryna deıin, qalǵan eldi mekenderde - 2020 jyldyń 1 maýsymyna deıin tekserý júredi.

Sońǵy jańalyqtar

Eldik nyshandar tarıhy

Qazaqstan • Keshe

Uqsas jańalyqtar