Pavlodar oblysynyń Qazaqstan halqy assambleıasynyń músheleri men demeýshiler azyq-túlikter jıyntyǵyn, maskalar, dezınfeksııa quraldaryn jáne t.b. taratty. Atap aıtqanda, «Vozrojdenıe» oblystyq nemister qoǵamy» qoǵamdyq birlestigi zeınetkerlerdi qoldaý jónindegi jobaǵa atsalysyp, aptasyna eki, úsh ret ystyq túski as berip, 32 azyq-túlik jıyntyǵyn taratty. Pavlodar oblysyndaǵy «Merkaz» evreı etnomádenı birlestigi qoǵamdyq oryndarda 4500 dana betperde taratty, «Býkovına» rýmyn mádenı qoǵamy» qoǵamdyq birlestigi az qamtylǵan azamattarǵa azyq-túlik jıyntyǵyn daıyndap, taratty, sondaı-aq balalar betperdelerin taratýdy uıymdastyrdy. «Vatan» ázirbaıjan qoǵamy» qoǵamdyq birlestigi Naýryz merekesine oraı 100 balaǵa konfetter jıyntyǵyn taratty.
Soltústik Qazaqstan oblysynda óńirde koronavırýstyq ınfeksııaǵa jol bermeýge baǵyttalǵan aldyn alý sharalaryn kúsheıtý boıynsha jumys júrgizilýde. Sonymen, volonterler, úkimettik emes uıymdardyń ókilderi adamdar kóp jınalatyn jerlerde: saýda ortalyqtarynda, medısınalyq mekemelerde, Petropavl qalasynyń kóshelerinde, sondaı-aq oblys aýdandarynda aqparattyq býkletter taratýdy uıymdastyrdy. Aqparatta koronavırýstyq ınfeksııany juqtyrýǵa jol bermeý jóninde saqtyq sharalary týraly aqparat bar.
Sonymen qatar, volonterler qaýip-qater tobyndaǵy qart adamdarǵa qajetti dári-dármekter men azyq-túlikterdi úıge jetkizý arqyly kómek kórsetý jumystaryn uıymdastyrdy.
