Ekibastuz qalalyq sport bóliminiń basshysy Asylbek Rezýanov habarlaǵandaı, onlaın-jarysqa barlyǵy 21 sportshy qatysty.
- Tótenshe jaǵdaı rejıminde kontaktsiz qandaı jarys ótkize alatynymyzdy zerdeledik, - dedi Asylbek Rezýanov. – Birinshi kezekte shahmattan onlaın-týrnır ótkizýge bel býdyq. Jarysqa kez kelgen adam qatysýǵa múmkindik aldy. Áleýmettik jeliler arqyly qalalyqtardy týrnır ótetini týraly aldyn ala habardar ettik. Nátıjesinde jarys jaqsy deńgeıde ótti.
Týrnırde erler arasynda Ádil Tkachev jeńimpaz atandy. Ekinshi oryndy Ǵalymhan Bashırov, al úshinshi oryndy Nıkıta Gavrılıýk ıemdendi. Áıelder arasynda Gúlnar Balaqanova úzdik shyqty. Úzdik úshtikke Indıra Shákenova men Marııa Anısımova da endi.
Asylbek Rezýanovtyń aıtýynsha, júldegerlerge aqshalaı syıaqyny bank kartalaryna aýdarý jaıy oılastyrýda.
Oǵan qosa, qalalyq sport bólimi jaqyn arada kir kóterý sporty jáne bes asyq ulttyq sportynan onlaın-jarys uıymdastyrmaq. Oǵan jas erekshelikterine qaraı birneshe kategorııadaǵy sportshylar qatysa alady.
