«Ulttyq táýelsiz emtıhan ortalyǵy» tóraǵasy Gúlmıra Jangereevanyń aıtýynsha táýelsiz emtıhan ortalyǵy arnaıy test daıyndap, onlaın rejımde mamandardyń ózderin qanshalyqty daıyn ekenin tekserýge múmkindik bermek. Sebebi, aty jaman aýrý juqtyrǵan naýqaspen birinshi betpe bet keletin dárigerlerdiń ózderi saq bolýy qajet.
Testileý mamandardyń standarttardy, klınıkalyq hattamalardy jáne DDU-nyń ádistemelik usynymdaryn bilýge daıyndyq deńgeıin arttyrý maqsatynda júrgiziledi. Bul ár medısınalyq uıym dárigerleriniń daıyndyǵy úshin mańyzdy. О́zin ózi baǵalaý ulttyq testileý ortalyǵy platformasynda online rejıminde ótkiziledi. www.qazexam.kz. baǵalaý úshin testiniń tehnıkalyq sıpattamasy ǴǴO-nyń resmı saıtynda "COVID-19 baǵalaý" bóliminde jarııalandy. Online testileýden ótý úshin UTO júıesinde tirkelý qajet. Testileýge kirý logın (úmitkerdiń JSN) jáne parol boıynsha júrgiziledi.
Aıta ketý kerek, «Ulttyq táýelsiz emtıhan ortalyǵy» Densaýlyq saqtaý salasyndaǵy mamandardyń kásibı daıarlyǵyna táýelsiz baǵalaý júrgizý, biliktiliginiń sáıkestigin rastaý jáne medısınalyq bilim berý baǵdarlamalary boıynsha oqyǵan bilim men daǵdylardy baǵalaý quqyǵyna akkredıttelgen jetekshi uıym. Ol halyqaralyq medısınalyq retteýshi organdar qaýymdastyǵynyń seriktesi (International Association of Medical Regulatory Authorities), AQSh – taǵy Meıirbıke isi jónindegi memlekettik komıtetter Ulttyq Keńesiniń múshesi (National Council of State Boards of Nursing-NCSBN), testileý jónindegi halyqaralyq komıssııaǵa (International Test Commission) múshe bolyp tabylady.
