Ulybrıtanııanyń astanasy – Londonda dástúrli túrde ótip turatyn týrnırdiń tusaýy sonaý 1877 jyly kesilgen. 143 jyldyq tarıhy bar «Ýımbldonda» talaı jaqsylar men jaısańdar óner kórsetkenin jankúıerler jaqsy biledi. Erler arasynda Rodjer Federerdiń shoqtyǵy bıik. 2003-2017 jyldar aralyǵynda ótken jekelegen saıystarda Shveısarııanyń maqtanyshy segiz ret osy jarystyń jeńimpazy atandy. Áıelder básekesinde Martına Navratılovaǵa teń keler eshkim joq. 1978-1990 jyldar aralyǵynda Chehoslovakııada týyp-ósip, keıinnen AQSh-qa qonys aýdarǵan tennısshi toǵyz márte top jardy.
Byltyrǵy jylǵy erlerdiń jarysy serbııalyq saıypqyran Novak Djokovıchtiń jeńisimen aıaqtaldy. Fınalda ol Rodjer Federerden basym tústi. Áıelderdiń saıysynda Sımona Haleptiń baǵy jandy. Rýmynııanyń ókili sheshýshi tusta amerıkalyq Serena Ýılıamske san soqtyrdy.
Sońǵy ret «Ýımbldon» týrnıri 1945 jyly keıinge shegerilgen edi. Sodan keıin baqandaı 75 jyl boıy ol belgilengen ýaqytynda úzdiksiz uıymdastyrylyp turdy. Mine, endi jer jahanda koronavırýs dertiniń dendeýine baılanysty aıtýly jarysty ótkizý merzimin ózgertýge týra keldi.
