Aımaqtar • 30 Naýryz, 2020

Túrkistan: Qudalyq ótkizgender qamaýǵa alyndy

803 retkórsetildi

Túrkistan oblysynda tótenshe jaǵdaıǵa qaramastan qudalyq ótkizip, qyz uzatqan, týǵan kúnin toılaǵan azamattar 5 táýlikke qamalǵan. Sondaı-aq tótenshe jaǵdaı kezinde sanıtarlyq-epıdemıologııalyq erejelerdi saqtamaǵany úshin Ákimshilik quqyqbuzýshylyq týraly Kodekstiń 476 «Tótenshe jaǵdaı rejımin buzý» baby boıynsha 115 nysanǵa quqyqbuzýshylyq týraly hattama rásimdelip, sotqa joldandy. Sot sheshimimen  28  tulǵaǵa 10 AEK esebinde aıyppul salynyp, 16 tulǵa qamaýǵa alyndy.

Bul týraly Túrkistan oblysynyń Taýarlar men kórsetiletin qyzmetterdiń sapasyn, qaýipsizdigin baqylaý departameti basshysynyń orynbasary Baqtyoraz Elemesov málimdedi. Sonymen qatar, ol birqatar nysandardyń esik tutqalaryn dáke matalarmen oraý -  sanıtarlyq talaptarǵa saı emes ekenin aıtty. 

Jalpy   COVID-19-ben  kúres  jáne indettiń aldyn alý oblys boıynsha keń aýqymda júrgizilýde. Búginnen bastap Túrkistan oblysynyń aýmaǵyna azamattardyń kirip-shyǵýyn baqylap - tekserýden ótkizetin blok-posttar sany 38-ge jetkizildi. Baqylaý beketterinen táýligine 36 myńnan astam adam tekserýden ótkizilýde. Oblys ákimi О́mirzaq Shókeevtiń tapsyrmasyna sáıkes, óńirdegi blok-posttarda beınebaqylaý kameralary ornatylǵan.  Koronavırýs indetiniń taralýyna jol bermeýge jáne jaǵdaıdy saraptamaǵa ala, halyqqa shynaıy aqparat deregin jarııalap otyrýǵa baǵyttalǵan, táýlik boıy jumys isteıtin sıtýasııalyq ortalyqta barlyq quzyrly basqarmalardyń mamandary jumyldyrylǵan.

 

Túrkistan oblysy

Sońǵy jańalyqtar

Covid-19: Taǵy 3 adam kóz jumdy

Koronavırýs • Keshe

Covid-19: 184 adam jazylyp shyqty

Koronavırýs • Keshe

Núkte fılosofııasy

Rýhanııat • Keshe

Qazalyda 42 joba júzege asady

Aımaqtar • Keshe

Uqsas jańalyqtar