Tyńdaý kezinde bizdiń ekonomıkamyzdyń eleýli bóligi shıkizatqa qatysty ekeni jáne tabıǵı resýrstarǵa, birinshi kezekte munaı jáne gaz eksportyna táýeldi bolýyna nazar aýdaryldy. Áleýmettik baǵdarlamalardyń jospardaǵydaı damýyna álemdik naryqtaǵy munaı baǵasynyń tómendeýi áser etýi yqtımal.
Bıylǵy jyldyń basynda Senat depýtattarynyń óńirdegi kezdesýleri barysynda jer qoınaýyn paıdalanýdaǵy problemalar aımaqtardyń ekonomıkalyq jáne áleýmettik damýyna áser etetini týraly másele kóterilgen bolatyn. Bul máseleler jergilikti ınfraqurylymdy damytýdy da (sý, qıyrshyq tas, saz jáne t.b. sııaqty kóptegen paıdaly qazbalardy paıdalaný), sondaı-aq jergilikti taýarlardy paıdalaný men qatty paıdaly qazbalar jáne kómirsýtegilerin óńdeýge atsalysatyn qyzmetkerlerdi de qamtıdy. Osy talqylaýlar barysynda zańnamadaǵy geologııalyq barlaýdy damytýǵa jáne óńirlerde jańa kelisimsharttar jasaýǵa eleýli áser etetin kemshin jaqtary anyqtaldy.
Jeńil ónerkásipti damytý týraly parlamenttik tyńdaýlar barysynda iri jer qoınaýyn paıdalanýshylar konkýrstaryn uıymdastyrýshylardyń jergilikti óndirýshilerdiń múddelerine qysym kórsetý týraly máseleler de kóterildi.
Qazaqstan Respýblıkasy Parlamentiniń qazirgi kezeńdegi zań shyǵarý qyzmetine taldaý nátıjesi jer qoınaýy týraly zańnamada eleýli kemshilikter bar ekenin kórsetip otyr. Depýtattar jer qoınaýyn paıdalaný máselelerindegi birqatar mańyzdy problemalarǵa, ásirese kómirsýtegiler boıynsha jer qoınaýyn paıdalaný quqyǵyn berýge arnalǵan aýksıondardy ótkizýge qatysty túzetýlerge zań jobasyn ázirleýshilerdiń nazaryn aýdardy.
Zańda qabyldanǵan erejelerge monıtorıng júrgizý maqsatynda Úkimetke tikeleı kelissózder negizinde kómirsýtegiler salasyndaǵy ulttyq kompanııalarǵa jer qoınaýyn paıdalaný quqyǵyn berý tártibin is júzinde qoldanýdyń tıimdiligi týraly saýaldar joldandy. Alynǵan jaýapqa taldaý zańnamada geologııalyq barlaý, munaı-gaz jáne soǵan qatysty barlyq salalardyń damýyna teris áser etetin eleýli olqylyqtardyń bar ekenin kórsetedi.
Sonymen qatar, jer qoınaýyn paıdalaný salasyndaǵy kóptegen problemalar depýtattardyń atyna kelgen ótinishterde de aıtylǵan.
Qazaqstan Respýblıkasynyń Prezıdenti Q.Toqaevtyń daǵdarysqa qarsy is-qımyl josparyn ázirleý, halyqty jumyspen qamtýdy qoldaý jónindegi arnaıy jospardy daıyndaý jónindegi Úkimetke bergen tapsyrmasy aıasynda, sondaı-aq qajetti zańnamalyq sharalardy qabyldaýǵa jedel áreket etý maqsatynda Parlament Senaty jer qoınaýy jáne jer qoınaýyn paıdalaný týraly zańnamanyń tıimdiligi máseleleri boıynsha parlamenttik tyńdaýlar uıymdastyratyn boldy.
Tyńdaýlarda geologııalyq barlaýdy damytýǵa jáne óńirlerde jumys oryndaryn ashýǵa kedergilerdi alyp tastaýǵa yqpal etetin sharalardy qabyldaý boıynsha usynystar ázirleý usynylady. Sondaı-aq qazaqstandyq óndirýshiler úshin qoljetimdi ári ashyq jaǵdaılardy jáne jergilikti kadrlardy keńinen tartýdy retteıtin tıimdi quqyqtyq tetikti qurý maqsatynda iri jer qoınaýyn paıdalanýshylar tenderin ótkizýdegi quqyq qoldaný tájirıbesin taldaýyn qaraý usynylady.
