Qazirdiń ózinde 32 jastaǵy Atte Ohtamaanyń Iаroslavldiń «Lokomotıvimen» kelissózder júrgizip jatqany málim. Fınlıandııalyq qorǵaýshy kezinde álem chempıony jáne sol jarystyń qola júldegeri atanyp, Qazannyń «Aq Barsymen» birge Gagarın kýbogyn jeńip aldy. Sońǵy maýsymdy qazaqstandyq klýbtyń sapynda ótkizgen ol 36 márte muz aıdynyna shyǵyp, 21 (6+15) upaı jıdy.
Dál sol «Lokomotıv» Eddı Paskýalege de kóz tigip otyr. Byltyr ǵana «Barystyń» jeıdesin kıgen 29 jastaǵy kanadalyq qaqpashy 46 kezdesý ótkizip, óz qaqpasyna baǵyttalǵan soqqylardyń 93 paıyzyn keri qaıtarǵan edi.
Sonymen qatar, Úıeńki japyraqtar eliniń taǵy bir ókili Korban Naıttyń da Nur-Sultanda qalýy ekitalaı. Turaqty birinshilik barysynda 60 ret muz aıdynyna shyqqan 29 jastaǵy shabýylshy 20 ret gol soǵyp, 21 márte nátıjeli pas berdi. Barlyǵy – 41 upaı. Kanadanyń surmergeni Ombynyń «Avangardyna» aýysady degen sybys bar.
Joǵaryda esimderi atalǵan hokkeıshilerdiń «Baryspen» jasalǵan kelisimsharty 30 sáýirde aıaqtalady.
