Qazaqstan • 31 Naýryz, 2020

Qazaqstan Reseıden benzın ımportyna tyıym salady

38 retkórsetildi

Qazaqstan Reseı Federasııasynan ishki naryqqa benzın, dızel otyny men avıasııalyq janarmaı ákelýge ýaqytsha tyıym salady, - dep habarlaıdy energetıka mınıstrliginiń baspasóz qyzmeti.  

Qazaqstan bul sheshimdi eksportty ulǵaıtý maqsatynda qabyldap otyrǵanyn aıtady. Shekteý merzimi ázirge 3 aı. Sodan keıingi jaǵdaıdy naryqtyń betalysyna qaraı retteıdi.  

«Sondaı-aq, Qazaqstan Respýblıkasy EAEO TJ kodtarynyń 2709, 2710, 2902, 3403, 3811 toptaryna jatatyn avtokólik quraldarymen el aýmaǵynan áketýge tyıymnyń alynyp tastalýyn engizedi», - delingen vedomstvo habarlamasynda.

«Fınam» kompanııasynyń sarapshysy Alekseı Kalachev te úkimet Reseıge benzın ımportyn shekteý arqyly ózimizdiń MО́Z-derdiń ónimin ulǵaıtamyz dep úmittenetinin aıtady. 2019 jyly RF-ǵa 1,2 mln tonna janar-jaǵarmaı tasymaldanǵan.  

Alekseı Kalachev RF-dan keletin nemese bizden sol elge jetkiziletin jaǵar-janar maı ımporty jyl saıyn azaıyp kele jatqanyn aıtady. Eger, osy tendensııa saqtalsa, 2020-20210 jyldary janar-jaǵarmaıǵa degen qajettiliktiń 100 paıyzyn óz kúshimizben qamtamasyz ete alamyz. Biraq 100 paıyzdyq qamtamasyz etýdiń ózi janar-jaǵarmaı ónimderi baǵasyn ózimiz qalaǵan deńgeıge belgileýge múmkindik bermeıdi.

«Tek qana qajettilikten artylyp qalǵan qordy eksportqa jiberýge múmkindik týady», – deıdi Alekseı Kalachev.

Alekseı Kalachev, janar-jaǵarmaıdyń kontrabandalyq jolmen elden jylystaýy týraly óz pikirin bildirdi. «Ishki naryqtaǵy baǵaǵa ımport jáne eksport baǵasynyń sáıkestigi ǵana emes, kórshi elderdiń osy segmentindegi baǵa da máseleni sheshedi», – deıdi Alekseı Kalachev.

Alekseı Kalachevtyń aıtýynsha, Qyrǵyzstanda benzın baǵasy elimizdegiden tómen bolsa, qazaqtyń janar-jaǵarmaıy sol elge qaraı aǵyp ketedi degenge sený qıyn. Sebebi qyrǵyzǵa biz usynǵan baǵany RF da usynady. Eger, ol elde benzın baǵasy bizdiń elden joǵary bolsa da úkimettiń qolyndaǵy eksporttyq salyq arqyly baǵany teńestirip otyrýǵa múmkindik bar.

«Sondyqtan eksporttyq salyqty ishki naryqtaǵy qajettilikti jáne baǵany ustap turýǵa múmkindik beretin deńgeıde saqtap qalý kerek», – deıdi Alekseı Kalachev.

Qazaq úkimeti men sarapshylardyń benzın ımporty týraly aıtysy qyzyp jatqanda, RF-da benzınniń qymbattaıtyny belgili bolyp qalypty.

Reseılik «Alparı» saraptamalyq agenttiginiń sarapshysy Anna Bodrova bıyl Reseıde benzın baǵasy 5 paıyzǵa nemese odan da joǵary paıyzǵa kóterilýi múmkin ekenin aıtty.

RF baǵany rettep otyratyn quzyrly oryndardyń, RF Ortalyq bank usynǵan málimetterde baǵanyń kóterilýine 2019 jyly, eki kezeńmen júrgizilgen aksızdik alym sebep bolypty. Aksızdik alymnyń alǵashqysy 2019 jyldyń qańtar aıynda, ekinshisi 1 maýsym kúni júrgen. «2018 jyly RF-de benzın baǵasy 7,3 paıyzǵa ósti. Bul faktorǵa 2017 jyly benzın úshin aksızdik alym kóterilmegeni sebep bolǵan. Aksızdik salym tek dızel otyny úshin ǵana kóterilgen», – deıdi Anna Bodrova jýrnalıstermen kezdesken kezde.

RF aksızdik salym sındromynan keıin jıyn-terim naýqany bastalar kezde janar-jaǵarmaı baǵasy da «qozǵala» bastaıdy eken. Baǵanyń shyrqaý shegi – maýsymnyń sońy men shilde aıynda baıqalady. Sebebi sol ýaqytta sharýalardyń qolyna sýbsıdııa tıip, janar-jaǵarmaıdyń artyq qoryn baǵa arzan kezde alyp qoıýǵa tyrysady eken. «2020  jyldaǵy benzın baǵasy ósiminiń ortasha kórsetkishiniń joǵarǵy shegi 8, 5 paıyz bolýy múmkin. Al dızel otynynyń baǵasynda ózgeris bolmaıdy. Baǵanyń ósimine sebep bolatyn faktorlardyń bári retteýge kónetin álsiz faktor», – deıdi Anna Bodrova.

Otandyq sarapshylar bolsa, «energetıka mınıstrligi, «Kazenergy-diń» aldyn-ala benzın baǵasyn RF-daǵy baǵamen teńestiremiz dep úkimet atyna umtylysynyń sebebi Reseıdiń baǵa saıasatyndaǵy ózgerister sebep bolyp otyrǵanyn aıtady. Sebebi ol eldiń «benzın baǵasy 8,5 paıyzǵa ósedi» degen boljamy biz úshin qashyp, qutyla almaıtyn kóleńke bolǵaly tur.

Qara kúzde «nege?» degen suraqtyń salmaǵy arqasyna qatty batyp ketpeý úshin, ol elden soǵatyn daýyldyń yqpalyn álsiretý úshin joǵaryda atalǵan eki mekeme osyndaı qadamǵa baryp otyr. «RF-men bizdi EAEO sharttary biriktiredi. Sol sebepti baǵany bir-birimen úılestirip otyrǵandar – utylmaıdy. Bizge úshinshi jol joq», – deıdi Alekseı Kalachev.

Sońǵy jańalyqtar

Jitiqaraǵa jańa reanımobıl berildi

Aımaqtar • Búgin, 19:25

Pavlodarda ekobazar ashyldy

Aımaqtar • Búgin, 17:09

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Uqsas jańalyqtar