Osyǵan oraı «ol áıeldiń boıynan koronavırýs tabylǵany qate eken» degen qaýeset te tarap úlgerdi. Alaıda Batys Qazaqstan oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti naýqastyń rasymen de aýrý juqtyryp, qazir emdelip jatqanyn habarlady. Al onymen qarym-qatynasta bolǵan jandar arnaıy orynda oqshaýlanyp, tıisti tekserýden ótkizilgen, olardyń boıynan vırýs belgileri tabylmaǵan. Naýqas turatyn úıdiń barlyq kireberisi tolyq dezınfeksııa sharasynan keıin ol úıden karantın alynǵan.
Aıta keteıik, 1972 jyly týǵan oraldyq áıel 28 naýryz kúni Atyraý qalasynan issapardan kelgen soń óz boıynan aýrý belgilerin baıqaǵan. Ol birden saqtanyp, eshkimmen qarym-qatynas jasamaı, koronavırýsqa kúdigi bar tulǵalardy oqshaýlaý ortalyǵyna jeke kóligimen ózi barǵan. Sol jerde jasalǵan test nátıjesi onyń qaýipti vırýsty juqtyrǵanyn kórsetken. Naýqas qazir Batys Qazaqstan oblystyq juqpaly aýrýlar aýrýhanasynda, dárigerlerdiń aıtýynsha jaǵdaıy qanaǵattanarlyq.
Batys Qazaqstan
