Qazaqstan • 31 Naýryz, 2020

Nur-Sultanda qar sýynyń 200 myńnan astam tekshe metri soryldy

11 retkórsetildi

Sý astynda qalǵan jerlerden sýdy sorý jumystary aýa raıynyń jylynýy men qardyń erýine baılanysty júrgizilýde, dep habarlaıdy elorda ákimdiginiń resmı saıty.

Qardan tazartý jáne ony shyǵarý jumystary Nur-Sultan qalasynda táýlik boıy júrgizilýde. Arnaıy shtab qurylyp, qardan tazartý jumystarynyń keshendi jospary bekitildi. Sý astynda qalǵan 37 oryn anyqtalǵan.  Olardyń 7-i – Almaty aýdanynda, 12-si – Baıqońyr aýdanynda, 13-i – Esil aýdanynda, 5-i – Saryarqa aýdanynda. Árbir nysan boıynsha qajetti materıaldar bólinip, jaýapty tulǵalar bekitildi. Jumys, birinshi kezekte, qardan tazartý jáne nóserli kárizderdi tazalaý maqsatynda atqarylyp jatyr.

Qalada, onyń ishinde Nursultan Nazarbaev áýejaıy men «Nurly jol» temirjol vokzaly mańynda sý tasqynyna qarsy jumystar qolǵa alyndy. «Erigen sýdy sorý qalanyń barlyq kóshelerinde júrgizilip jatyr. Aýlalardy aralaý jumystary da jalǵasýda. Mundaı jumystarǵa qalada 200-den astam mashına, 20-dan astam motopompa jumyldyrylǵan. Osylaısha elorda ákiminiń tapsyrmasyna sáıkes tıisti qyzmetter qaladaǵy oryndardyń jappaı sý astynda qalýyn boldyrmaýǵa baǵyttalǵan sharalardy qabyldaýda», – dep málimdedi «Astana Tazalyq» JShS bas dırektorynyń orynbasary Marsel Uzaqov.

Onyń aıtýyna qaraǵanda, qazirgi tańda Maıbalyq kóli men Nura - Esil arnasynan sýdy ótkizý sharalary júrgizilip jatyr. Beısekov kóshesinde ózen arnasyn keńeıtý jumystary bastalyp ketken.

Sý basý máseleleri boıynsha turǵyndar Nur-Sultan ákimdiginiń iKOMEK 109 biryńǵaı baılanys ortalyǵyna, «Astana Tazalyq» JShS-niń (8 7172) 48-43-26 nómirine jáne aýdan ákimdikteriniń telefon nómirlerine habarlasa alady.

Sońǵy jańalyqtar

Jitiqaraǵa jańa reanımobıl berildi

Aımaqtar • Búgin, 19:25

Pavlodarda ekobazar ashyldy

Aımaqtar • Búgin, 17:09

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Uqsas jańalyqtar