Aımaqtar • 31 Naýryz, 2020

Baıanaýyldyq azamat koronavırýspen kúreske 500 myń teńge qarjy aýdardy

3 retkórsetildi

Qarajat «Biz birgemiz!» aksııasy aıasynda qaıyrymdylyq qoryna aýdaryldy, dep habarlaıdy pavlodarnews.kz.

Bul týraly Baıanaýyl aýdanynyń ákimi Qanat Kárimov Instagram-daǵy paraqshasynda jarııalady.

- Qazaq naqylynda «Jumyla kótergen júk jeńil» degen sóz bar. Aýdanymyzdan shyqqan azamattar týǵan jerine janashyrlyq sezimmen el basyna túsken aýyrtpalyqty jumyla kóterýde. Indet el eńsesin ezgen shaqta janashyrlyq tanytqan ár azamattyń úlgili isi – kópke ónege, - delingen jazbada.

Sondaı azamattardyń biri – J.Shanın aýylynyń týmasy koronavırýs indetiniń aldyn alý úshin 500 000 teńge kóleminde qarjylaı qoldaý kórsetti. Ol qarajat «Biz birgemiz!» aksııasy aıasynda qaıyrymdylyq qoryna aýdaryldy.

- Atymtaı jomart azamat óz esimin atamaýdy surady. Biz de ol kisiniń pozısııasyna qurmetpen qaraımyz. Týǵan jerine janashyrlyq tanytyp, indetpen kúres jolynda demeýshilik kórsetken azamatqa aýdan halqy atynan alǵys aıtamyn! – deıdi Qanat Kárimov.

Sońǵy jańalyqtar

Pavlodarda ekobazar ashyldy

Aımaqtar • Keshe

Uqsas jańalyqtar