Medısına • 31 Naýryz, 2020

Qaýipti indetti birlesip jeńemiz

86 retkórsetildi

«Shevron» kompanııasy Almatydaǵy ınfeksııalyq balalar aýrýhanasyna jasandy tynys alý apparatyn tabystady. 

Koronavırýs. Dúıim dúnıege taralyp úlgergen indet Qazaqstandy aınalyp ótken joq. Sońǵy derekke sensek, elimizde osy aýrýdy juqtyrǵan adam sany 300-den asyp jyǵyldy. Maqala jaryq kórgenge deıin bul kórsetkish ulǵaıa túsýi ǵajap emes.

Koronavırýstiń el kóleminde taralýyna tosqaýyl qoıý úshin prezıdent Toqaev tótenshe jaǵdaı jarııalaǵany málim.

«Biz birgemiz. Bul qıyndyqty el bolyp, qoǵam bolyp eńseremiz» degen prezıdent úndeýine alǵashqylardyń biri bolyp «Shevron» kompanııasy ún qatty.

Kúni keshe «Shevronnyń» qarjylaı qoldaýymen «Aıala» qaıyrymdylyq qorynyń «О́mir syılaıyq» baǵdarlamasy aıasynda Almatydaǵy ınfeksııalyq balalar aýrýhanasyna jańa eki jasandy tynys alý apparattary tabystaldy.

1212

Qaýipti vırýspen kúreste osynaý qurylǵynyń qanshalyqty mańyzdy ekenin ázir úlken de, kishi de baǵamdap úlgergen bolar.

Budan buryn Densaýlyq saqtaý mınıstri Eljan Birtanov elimizdegi ınfeksııalyq aýrýhanalarda 167 jasandy tynys alý apparaty baryn aıtqan.  

Mınıstr dál qazir Qazaqstanda mundaı apparattarǵa tapshylyq baryn da jasyrmaǵan.

«El kóleminde jasandy tynys alý apparatyna degen suranys 927 danany quraıdy» degen-tin Birtanov.

Mınıstr budan bólek elimizdegi koronavırýs juqtyrǵan adam sany 3,5 myńnan asyp jyǵylaryn boljaǵan.

Sonyń aldynda ǵana Aqparat jáne qoǵamdyq damý mınıstri Dáýren Abaev  elimizdegi mundaı qurylǵylardyń kópshiligi tehnıkalyq turǵydan eskirgenin tilge tıek etip, olardy jańartý úshin Shveısarııadan qosymsha 230 qurylǵy satyp alynatynyn málimdegen.

Demek dál qazir Qazaqstandaǵy ınfeksııalyq aýrýhanalarǵa mundaı qurylǵylar aýadaı qajet ekeni aıtpasa da túsinikti. Olardyń osynaý alasapyran aıaqtalǵannan keıin de suranysta bolary daý týǵyzbaıdy.

Bul jaıtqa Almatydaǵy klınıkalyq ınfeksııalyq balalar aýrýhanasyna jasandy tynys alý apparattaryn tabystar tusta «Aıaly» qorynyń basshysy Aıdan Súleımenova  basa toqtaldy.

Mamandyǵy dáriger Aıdan Tóleýtaıqyzy aq halatty jandardyń jumysy qanshalyqty aýyr ekenin bir kisideı biledi. Onyń aıtýynsha «Shevron» qordyń bala densaýlyǵyn jaqsartý men medısınalyq qyzmet sapasyn arttyrýǵa baǵyttalǵan kósheli jobalaryn kóp jyldan beri úzbeı qoldap keledi.

Osy arada qundylyqtar týraly sóz qozǵaǵan ol «Shevronnyń» asa qajet shaqta kómek qolyn soza biletin elgezektigin erekshe atap ótti.

«Iá, qundylyqtar osylaı qalyptasady. «Shevron» kompanııasynyń ınfeksııalyq balalar aýrýhanasyna ázir aýadaı qajet qurylǵyny tabystaýy kompanııanyń áleýmettik jaýapkershilikti jete  túsinetinin kórsetip otyr.

Koronavırýs ınfeksııasyna baılanysty qatań karantınde otyrǵan Qazaqstan azamattary, onyń ishinde Almaty turǵyndary atynan kompanııa basshylyǵyna alǵysymdy aıtamyn.

Barsha almatylyq ata-analar úshin búldirshinderge qajetti apparattyń syıǵa tartylýy izgi amal, bul ondaǵan, júzdegen balanyń ómirin arashalap qalýda mańyzdy ról atqaratyny aıtpasa da belgili», – dedi ol.

Sóziniń jany bar. Qazaqstan naryǵyna 1993 jyly kelgen «Shevronnyń» qaıyrymdylyq baǵytyndaǵy bastamalary búginderi dástúrli jobalarǵa aınalyp úlgergen. Qazaqstanǵa kelgeli beri kompanııa qoǵamdyq jobalarǵa 500 mln. dollar ınvestısııalapty.

Iá, mundaı jobalardyń naqty sanyn atap aıtý qıyn, bir ǵana Almatyda «Shevronnyń» qarjylaı qoldaýymen jylyna 30-ǵa tarta áleýmettik bastamalar júzege asady eken.

Al «Aıala» qorynyń áleýmettik jobalaryna «Shevron» kompanııasy osymen 11-shi jyl qatarynan qoldaý kórsetip keledi.

Kompanııanyń qarjylaı qoldaýmen budan buryn Almatydaǵy Perına­tal­dyq ortalyqqa «Gıpotermııa» jáne elektroensefalograf qurylǵylary satyp alynǵan.

Atalǵan apparattar tym erte týylǵan sábılerdiń ómirin aman saqtap qalýda asa mańyzdy. Aıta ketelik osynaý ortalyqta jyl saıyn 8 myńǵa jýyq áıel bosanady. Sábılerdiń 15 paıyzy tym erte týylǵandar.

Álbette bala ómiri erteńin oılaıtyn kez-kelgen memleket úshin basty qundylyq.

Eń bastysy «Shevronnyń» bul jolǵy kómegi de der kezinde kórsetildi. Jalpy quny 71 mln. teńgeni quraıtyn Japonııada jasalǵan Humming Vue qurylǵylary Almatydaǵy klınıkalyq ınfeksııalyq balalar aýrýhanasynyń dárigerleri úshin koronavırýsqa qarsy kúreste úlken kómek bolary anyq.

Árıne, betin aýlaq qylsyn! Elimizde osy indetti juqtyrǵan sábıler sany sırek. Degenmen, saqtyqta qorlyq joq.   

Anyǵy, osynaý apparattar búgin de, erteń de, keleshekte de kerekke jaraıdy.

Sózimizge dálel: byltyr bul mekeme 100 myńǵa tarta búldirshindi qabyldasa, solardyń birazy em-dom alý úshin emhanaǵa jatqan.

О́tken jyly aýrýhananyń reanımasııa bólimshesine syrqaty asqynǵan 500-ge tarta búldirshin túsip, dárigerler árbir 5-shi balany jasandy tynys alý apparatyna qosqan eken...

Jan saqtaý bólimine túsken balalardyń 60 paıyzynda pnevmonııa anyqtalyp, tynys alýy aýyrlaǵan.

Jasandy tynys alý apparatyn aýrýhanaǵa tabystaý sátinde «Shevron» kompanııasy Qoǵammen baılanys bóliminiń úılestirýshisi Janar Qoshpanova sóz alyp, jan saqtaý bóliminde árbir mınýt altynnan da qymbat ekenin eske saldy. 

«Qazaqstan úkimeti men eldegi iri bıznes ókilderi koronavırýstyń taralýyna tosqaýyl qoıyp, ınfeksııa juqtyrǵan azamattardyń aıaǵynan turyp ketýi úshin bir judyryqqa jumylýda.

Jańa, zamanaýı jasandy tynys alý apparattary qazirgideı alasapyran shaqta  ǵana emes, ádepki kúnderi de bala ómirin aman saqtap qalýda asa mańyzdy.

«Shevron» kompanııasynyń atynan barsha qazaqstandyqtarǵa qazirgi ótkinshi qıyndyqqa qarsy turarlyq qajyr-qaırat pen myqty densaýlyq tileımin», – dedi kompanııanyń ókili. 

QURYLǴYLARDYŃ EREKShELIGI NEDE?

«Shevronnyń» qarjylaı qoldaýymen  Almatydaǵy klınıkalyq ınfeksııalyq balalar aýrýhanasyna tabystalǵan apparattardyń ereksheligi nede?  

Japonnyń Humming Vue jasandy tynys alý apparaty mundaı tehnologııanyń sońǵy býynyna jatady, ári qan qysymyn 13 mıkron deńgeıinde baqylaýda ustaıdy.

Bul óz kezeginde respıratorlyq terapııanyń klınıkalyq tıimdiligin arttyryp, balanyń aǵzasyna zaqym keltirmeıdi.

Olardy sterıldeý (zalalsyzdandyrý) ádisi qarapaıym jáne áýel bastaǵy kórsetkishterin qaıta qalpyna keltirýdi qajet etpeıdi. Bul óz kezeginde apparatty kezek kútip otyrǵan kelesi naýqasqa ýaqyt ozdyrmaı qoldanýǵa múmkindik beredi.

Atalǵan qurylǵynyń jumys ólshemin ózgertý kezinde túrli tynys alý kontýryn aýystyrmaı nemese ajyratpaı-aq naýqastyń tynys alý júıesin ventılıasııalaı alady.

Bul bir ǵana kontýrda oryndalyp, ol óz kezeginde naýqastyń aýyr gıpoksııaǵa ushyraý táýekeliniń aldyn alady. 

Japonııada jasalǵan zamanaýı apparattardy tabystaý rásimin «Shevron» kompanııasy men «Aıala» qaıyrymdylyq qory birlesip uıymdastyrdy.

Sońǵy jańalyqtar

Jitiqaraǵa jańa reanımobıl berildi

Aımaqtar • Búgin, 19:25

Pavlodarda ekobazar ashyldy

Aımaqtar • Búgin, 17:09

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Uqsas jańalyqtar