Aımaqtar • 31 Naýryz, 2020

Tótenshe jaǵdaı: Ákimder toı toılap júr

7464 retkórsetildi

Tótenshe jaǵdaı kezinde sporttyq, oıyn-saýyq, sondaı-aq otbasylyq, buqaralyq is-sharalardy ótkizýge tyıym salynǵan. Soǵan qaramastan úılerinde toı jasap júrgender kezdesip qalady. Dámhana, meıramhanalar qojaıyndarynyń da talapty aınalyp ótýge tyrysatyny baıqalady. Bul týraly búgin oblys prokýrorynyń birinshi orynbasary Talǵat Aıtbaıuly brıfıngte habarlady.

Tótenshe jaǵdaı jarııalanǵaly Qazaqstan Respýblıkasy Ákimshilik quqyq buzýshylyq týraly kodeksiniń 476-babymen 49 tulǵaǵa ákimshilik hattama toltyryldy. Onyń 14-i sottyń qaýlysymen ákimshilik qamaýǵa alynsa, 23-ne ákimshilik aıyppul salyndy. Qalǵan 12 is sot óndirisinde.

Osyndaı syn sátte keıbir ákimder de toılaýǵa teris qaramaıtyn baıqatyp qalyp júr. Mysaly, Shıeli aýdany Tóńkeris aýylynyń ákimi týysynyń úıindegi kelin túsirý toıyna qatysqan. Úı ıesi aýdandyq sot qaýlysymen ákimshilik qamaýǵa alyndy. Qyzylorda qalasyndaǵy «Orıgon» dámhanasynyń saǵat 22.00-den keıin jumys istegeni anyqtalyp, kafe ıesine 20 aılyq eseptik kórsetkish mólsherinde ákimshilik aıyppul salyndy.

 

Qyzylorda oblysy

 

Sońǵy jańalyqtar

Abaı murasy Bishkekte talqylandy

Rýhanııat • Keshe

Uqsas jańalyqtar