Osy jaǵdaıǵa baılanysty juma namazyn tikeleı efır arqyly ımamǵa uıyp oqýǵa bola ma degen suraqtar jamaǵat tarapynan týyndaýda. Jalpy tikeleı efır arqyly juma, jamaǵat namazdaryn úıde otyryp soǵan uıyp oqýǵa keler bolsaq, ilim ıeleri juma namazy da, jamaǵat namazy da bul jolmen oqylsa durys emes ekendigin baıandaǵan. Eger kimde-kim bul jolmen namaz oqyǵan bolsa, ol namazdardy qaıta oqýy kerek bolady. О́ıtkeni bul jerde jumanyń sharttary tolyq oryndalyp turǵan joq. Sondaı-aq kópshilik ǵalymdar uııýshy adamdar ımamnyń aldyna shyǵyp ketpeýi kerek jáne ımam men uııýshy bir jerde bolýy kerek dep shart qoıǵan. Oǵan qosa ımam men uııýshynyń arasyn jol, ózen bólip tursa da uııýshy adamnyń namazy durys bolmaıdy. Sondyqtan juma kúni jumanyń ornyna tórt rakaǵat besin namazy oqylady.
Hasan AMANQUL,
Sharıǵat jáne pátýa bólimi meńgerýshisiniń orynbasary
