Ekonomıka • 31 Naýryz, 2020

1205 adamǵa saqtandyrý qorynan tólemder berildi

154 retkórsetildi

Tótenshe jaǵdaı kezinde tabysynan aıyrylǵan 1 205 adam Memlekettik áleýmettik saqtandyrý qorynan tólemder aldy.

Búgin saǵat 18:00-ge deıin jańa áleýmettik tólemdi alýǵa 11115 adam ótinish bergen. Onyń ishinde, Nur-Sultan qalasynan – 3885, Almaty qalasynan – 3575, Shymkent qalasynan – 80, Aqmola oblysynan – 121, Aqtóbe oblysynan – 206, Almaty oblysynan – 125, Atyraý oblysynan – 10,  ShQO-dan – 27, Jambyl oblysynan – 237, BQO-dan – 50, Qaraǵandy oblysynan – 261, Qostanaı oblysynan – 1772, Qyzylorda oblysynan– 111, Mańǵystaý oblysynan – 9,  Pavlodar oblysynan – 481, SQO-dan – 14, Túrkistan oblysynan 151 adamǵa, jalpy 1205 azamat atalǵan jańa tólemaqyny aldy.

Aıta keteıik, tótenshe jaǵdaı kezinde tabysynan aıyrylǵandarǵa Memlekettik áleýmettik saqtandyrý qorynan 42,5 myń teńge tólemaqy beriletini týraly habarlaǵan bolatynbyz. Ol myna sanattaǵy azamattarǵa taǵaıyndalady:

  • orta, shaǵyn jáne mıkrobıznes sýbektileriniń qyzmetkerleri;
  • jeke kásipkerler (budan ári – JK);
  • jeke praktıkamen aınalysatyn adamdar (notarıýs, jeke sot oryndaýshysy, advokat, kásibı medıator) (budan ári – JP);
  • biryńǵaı jıyntyq tólemdi tóleýshiler (budan ári – BJT);
  • nysanasy jumystardy oryndaý (qyzmetter kórsetý) bolyp tabylatyn azamattyq-quqyqtyq sıpattaǵy sharttar (budan ári – AQS) boıynsha tabys tabatyn adamdar, salyq agentteri olar úshin mindetti zeınetaqy jarnalaryn aýdarǵan jeke tulǵalar kiredi.
  • karantın engizilgen eldi mekenderdegi iri bıznes sýbektileriniń qyzmetkerleri.

Áleýmettik járdemaqylardy taǵaıyndaý úshin jumys berýshiler ótinishpen qyzmetkerlerdiń tizimin ǵana usynady; JK, JP, AQS jáne BJT tóleýshiler jeke derekterdi kórsete otyryp, tek ótinish beredi.

Sondaı-aq, qyzmetker jumys berýshiniń ótinish berýin kútpeı-aq ótinishti ózi bere alady. Barlyq ótinish berýshiler tótenshe jaǵdaıdyń engizilýine baılanysty kiristerdi joǵaltý faktisiniń durystyǵy úshin ózine jaýapkershilik alady.

О́tinish «Elektrondyq úkimet» veb-portalynda «Elektrondyq ótinish» servısi arqyly elektrondyq formatta beriledi.

Áleýmettik tólem taǵaıyndaý úshin qyzmetkerdiń (JK jáne JP derbes) memlekettik áleýmettik saqtandyrý qoryna (AQS úshin – BJZQ-ǵa jarnalar) sońǵy 12 aıda keminde 1 ret áleýmettik aýdarymdar jasaýy jetkilikti bolady.

MÁSQ-tan áleýmettik tólemdi taǵaıyndaýǵa úmitker azamattarǵa áleýmettik aýdarymdar nemese zeınetaqy jarnalarynyń bar-joǵyn dáleldeýdiń qajeti joq, buny avtomatty túrde «Azamattarǵa arnalǵan úkimet» memlekettik korporasııasy» KEAQ tekseredi.

О́tinimderdi qaraý jáne áleýmettik tólemdi taǵaıyndaý merzimi qysqartyldy, 3 jumys kúnin quraıdy.

 

Sońǵy jańalyqtar

Jitiqaraǵa jańa reanımobıl berildi

Aımaqtar • Búgin, 19:25

Pavlodarda ekobazar ashyldy

Aımaqtar • Búgin, 17:09

Almatyda keıbir kósheler jabylady. Nege?

Aımaqtar • Búgin, 15:50

Jol qurylysyna monıtorıng júrgizilýde

Aımaqtar • Búgin, 14:45

Uqsas jańalyqtar